Fol. 77 b
NICCOLO TREVISANI.
se levò molto in superbia, digando di Venitiani che in quel mar i non intrasse al navigar, per laquai cosa intrò tra queli doi comuni vera grandissima.
Et fu per cason che Zenovesi voleva contrariar a Venitiani, et diseva primamente che quelo mar giera suo francado per loro, contiò fusse che loro molte fiate contra Saraxini et Tartari li eramo stati, i quali dimorava in quele parte1; e anchora diseva che, al tempo de la rotta de la Tanna, recevete gran danno per Venitiani, et che al tutto i non voleva che Venitiani intrase nel ditto mar; ma, se loro piasesse de andar a Gaffa, che giera uno so porto et gran reduto, et li tolesse le marcantie per le sue mano.
Et siando andati più navilii de Venitiani in quele parte, li qual voleva andar nel Mar Mazor, li Zenovesi li fo in contra e prese alguni navilii de' Venitiani et alguni per forza fese ritornar, digandoli molta inzuria.
parte del Mar Mazior, posa i dity se leva in molta superbia, digando e contrariando a Veniciany che in quel mar i dity non intrase a navegar, per la qual chosa molto la vera per la dita chaxion nasiete tra uno chomun con l'altro.
E la chaxion per la qual Zenovexi chontradixeva a i Veneciany iera questa, che primamente i dixeva che quel mar iera so, zoè franchado per loro, e apreso, chon zio fose che loro molte fiade contra Sarainy iera andady, e a Tartary, i qual demora in quele parte ; e2 anchora dixeva che al tenpo de la rota de la Tana, grando dano per chaxion dy Veniciany i dity aveva abudo, e che al postuto quely non intendeva che i Veniciany intrase dentro dal Mar Mazior; ma, se li piaxese, quely andese a Gafa, ch'el iera là uno so porto e gran reduto, et ly tolese le marchadantie de là per le suo mane, chon altre molte parole senza chonsonanza alguna de raxion.
E siando andadi pluxior navilii in quele parte, i volese andar dentro dal Mar Mazior, chostoro fo incontra, e prexe algune de quele nave, e algune per forza fexe indriedo retornar, digando e fazando molta inzuria a quely che sovra quele nave se trova.
