Bellaguet, p

(sept. lO)] DES GRANDES CHRONIQUES. 227

et le duc de Bourgogne à pluseurs villes et cités du royaume qu'ilz estoient délibérez confermer et accomplir ce qu'ils avoient par devant promis et juré touchant leur union et paix, dont firent Françoys joye en moult de pars , pour quoy fut assigné entre eulx jour certam et lieu à Monstereau-fault- Yonne, affinde tout acomplir. Auquel vint Monseigneur le Daulphin , et quant il fust arivé il feist fère au dehors, près du chastel, certaines lices et parlouers de boys escarre et doleys', pour parlementer secrètement et accorder avec le duc de Bourgogne; à l'entrée desquelles lices avoit ung pont levais avec portes bien fermans, et puis au dedens estoit figuré des triangles en façonne oblique et estrange^.

Après? que Monseigneur le Daulphin eust actendu et demouré l'espace de trois sepmaines, arriva le duc; pour la longue demeure duquel pluseurs s'esmerveilloient. Lequel, quant fut arivé, au mieulx qu'il peut excusa de sa longue demeure, disant qu'il avoit grant désir d'accomplir ce qui estoit promis. Mais pour ce que il se doubtoit aucunement avoir offensé Monseigneur le Daulphin d'avoir tant demouré, aussi qu'il disoit aucuns de ses familiers estre ses haigneux et malvueillans, il se doubta que on lui voulsist faire aucun desplaisir. Quant Monseigneur le Daulphin congneut qu'il se doubtoit, affin qu'il n'eust cause de doubter, Monseigneur le Daulphin l'ordonna estre logé au chastel de Monstereau, et lui se logea au bas de la ville.

i. Écarri et dolé ( c'est-à-dire plané ).