I . Le premier dimanche après Pâques

i4$8] Chronique de Charles VII. 103

c'est assavoir Henry, et que les lectres contenoient en effect ce qu'il s'ensuit. «Très chier cousin, nous vous mercions du bon voulloir que avez envers nous. Nous envoyerons nos facteurs au premier jour d'aoust à Bruges pour le fait des trêves d'entre nous et beau cousin de Bourgongne. Et que là se tiennent vos facteurs pour appoincter de toutes choses; et ferons tant, se Dieu plaist, que vous serez bien content. »

Et oultre disoit que ledit Gallet avoit dit que ie roy d'Angleterre avoit recuilli le gouvernement et que ledit duc d'Iorck estoit allé en Galles, et que à ceste cause ledit Gallet s'estoit adrecié audit roy d'Angleterre et lui avoit dit le voulloir et intencion dudit duc d'Alençon : dont il le remercioit et faisoit dire par lui qu'il envoyeroit ses ambaxadeurs audit lieu de Bruges, selon le contenu èsdites lectres, et que ledit duc d'Alençon y envovast semblablement ; et que lesdits ambassadeurs appoincteroient ensemble desdits vingt mille escuz et aussi de bailler sééllez de toutes autres choses.

Dist aussi et confessa ledit d'Alençon que, tant pour ce que le lieu dessusdit auquel nosdits ennemys lui dévoient envoyer lesdits vingt mille escuz lui estoit long, que, aussi, pour ce qu'il désiroit savoir l'issue de son appoinctement avec nosdits ennemys, il renvoya de rechief ledit Gallet en Angleterre affm de advancer ledit argent, et aussi pour recouvrer ung saufconduit pour ung de ses gens , duquel saufconduit le nom devoit estre en blanc , affm qu'il peust envoyer aucun homme pour besongner avec lesdits An-