Chapitre

Siège mis devant Laigny par les Angloiz.

En ce mesme temps et durant le siège de Saint-Célerin, dont dessus est faicte mencion, le duc de Betheford, Angloiz, a voit mis et tenoit le siège devant Laigny-sur-Marne à grant ost, et avoit plussieurs grosses bombardes et autres habillemens de guerre , qui sans cesse batoient icelle ville ; et avoit fait faire ledit duc de Betheford ung pont sur ladite rivière de Marne , une pou audessus de ladite ville de. Laigny et là endroit d'une isle; au bout d'icellui pont du costé devers la France avoit ung fort boullevert , et à l'autre bout, en la Brye , avoit fait faire ung grant parc fossoyé entour, plus grant aue ladite ville de Laigny. Et fut là devant ledit duc de Bethefort et son ost par l'espace de cinq ou six moys; dedens laquelle ville estoientMessire Jehan Foucault, ung cappitaine escot nommé Quenede, ung chevallier nommé Messire Jehan Regnault de Saint-Jehan et plussieurs autres vaillans gens. Lesquelz endurèrent moult de paine et ouïrent

1 . Monstrelet nous apprend que Chartres fut pris le 20 avril 1432 (nouveau style), jour de Pâques.