Chapitre 8j
i $0 Jean Chartier. [Sept.
jou , devant Messire Ambrois , sire de Loré , mareschal du duc d'Alençon , ung François et ung Angloiz, et fut icellîii François desconfit par ledit Angloiz.
Item, en ce mesmes temps ensuyvant, se combattent à oultrance en champ de bataille , à la Ferté-Bernard , en pays du Maine, ung François et ung Anglois nommé Regnault-le-Paintre, aevant Guillaume de Vignolles; et y fut l'Angloiz desconfilt par le François.
Item, en ce temps en suivant, se combatirent à oultrance à Sablé , en pays du Maine , devant le sire du Bueil, ung Angloiz nommé André Trolîot , ou Trollop, et ung François. Et fut icellui François par ledit Angloiz desconfit.
Item, par certain temps se combatirent devant le sire de Laval , en pays du Maine , et Messire Oliver du Seschal , cappitaine dudit lieu , ung François nommé Finot, dudit pays du Maine, et ung Angloiz, lequel Angloiz fut desconfit par ledit François, dit Finot.
Comment les François coururent une course en foire devant Caen.
En ce mesmes temps en suivant, en moys de septembre , Messire Ambrois , sire de Loré, fist une entreprinse , à partir de Saint- Célerin , pour courir une foire qui se tient le jour Saint- Michiel , en Normendie, oultre la ville de Caen et oultre la rivière d'Orne, en plains champs, devant Pabbaye Saint-Estienne , devant ledit lieu de
Caen , qui pour lors estoit tenu du parti du roy d'Angleterre avec toute la duchié de Normendie et autres pays d'environ. Et pour ce faire, il manda venir devers lui Pierre Jiaillet , et ung nommé Forbourg, cappitaine de Bonmoulins, et estoient de gens d'armes en nombre avec ledit sire de Loré sept cent combatans ou environ. Et print icellui de Loré avecques ses gens à passer ladite rivière d'Orne environ trois lieues audessus dudit lieu de Caen, et passèrent à grant paine , pour ce que ladite rivière estoit si grant que une grant partie de leurs chevaulx nouoient 1 sur l'eaue.
Et par le moyen de bonnes guides , vindrent icellui sire de Loré et ses gens par vallées et pays couvert , tant qu'ilz arrivèrent devant ladite ville de Caen , au lieu où se tenoit ladite foire, sans estre aperceus au moins de guères loingz. Et là prindrent plussieurs Angloiz et presque toutes les notables gens de la ville , et y gaignèrent plussieurs biens et bagues qu'ilz trouvèrent à leur abandon et à leur choix en ladite foire. Et y avoit si grant presse de gens pour eulx retirer dedens lacfite ville de Caen, que on ne povoit clorrene ouvrir les portes d'icelle ville.
Et estoit ledit Messire Ambrois à cinquante lances et cent archiers avecques lui, qui ne se boutoient aucunement entre le commun d'icelle foire , maiz estoit seullement à rebouter et résister contre les Angloiz qui pouvoient saillir de ladite ville, en laquelle ils estoient de trois à quatre cens combatans et autres de ladite ville
