Nageoient

152 Jean Chartier. [Sept,

en grant nombre. Lesquelz saillirent par plussieurs foiz pour cuider rescourir icelle foire et assemblée. Lesquelz furent reboutez et desconfiz, et tellement que plussieurs des gens dudit chevallier furent jucques dedens bien avant de ladite ville. Et pour cequ'ilz festoient pas assez puissans , s'en resaillirent sauvement et se retirèrent à l'estandart dudit chevallier. Et d'iceulx Angloiz y ot plussieurs mors et prins.

Et en tenant celle escarmouche , tiroit la com-

[>aignie tousjours avec leur prinse contremont adite rivière d'Orne vers le passage. Et après ce, se achemina le chevallier à tirer après sa compaignie , et tant qu'ilz ramassèrent ladite rivière. Et à une croix, près au passage, fistarrester toute la compaignie avec les prisonniers, et illec fist crier à son de trompe , de par le roy de France et le duc d'Alençon , duquel il estoit mareschal, sur paine de la hart : que tout homme qui avoit prisonnier prestre, ou autre homme d'église, qu'il Penvoyast et délivrast franchement; item, que tout homme qui avoit sauconduit du roy de France, ou d'autre seigneur ou cappitaine , en fust semblablement envoyé franchement; item aussi, que tous vielz hommes, jeunes enfans et povres laboureurs qui ne sont pas de prinse, en fussent pareillement envoyez; et que tous ceulx qui auroient quelque chose à dire à l'encontre promptement le vernissent dire audit de Loré au pié ae ladite croix , pour sur ce pourveoir au cas ainsi qu'il appartiendroit.

Pour lequel cry furent délivrez plussieurs gens d'église, vieilles gens, jeunes et autres,

14J2] Chronique de Charles VII. 15}

povres laboureurs et plussieurs autres. Lesquelz cheurent en débat devant ledit chevallier, et en furent les aucuns renvoyez et délivrez , et les aucuns enmenez prisonniers. Dont les aucuns ainssi envoyez baillèrent cauption de venir respondre à justice devant ledit chevallier. Lequel fist conduire ceulx qui furent délivrez jucques au passage , affin que par aucuns ne fussent empeschez , et que plus seurement s'en peussent aller chacun en son hostel. Lesquelz prisonniers ainssi délivrez se montèrent en nombre environ huit cens ou mil. Et en eschappa au logis plus de cinq cens , sans ceulx qui demourèrent , qui estoient bien en nombre plus de trois mille. Et depuis le département dudit chevallier dudit lieu de Saint-Célerin demoura bien huit jours sur les champs sans retourner audit lieu de Saint-Célerin, avecques les prisonniers et autres biens ainssi gaignés comme dit est. Et ce fait , s'en retourna ledit chevallier avec sa compaignie , prisonniers et biens dessus dits, audit lieu de Saint-Célerin , sans ce que aucuns des Ançloiz qui tenoient pays de Normendie en subjection , ne autre, lui feist ne portast aucun donmaige.