Chapitre

Comment Orléans fat advitaillé.

La veille de l'Ascencion 1 de rechief se partirent de la ville de Bloys ledit bastard d'Orléans , lesditz sires de Raiz et de Loré , et plussieurs autres, avec grant compaignie et grant quantité de blé et bestail, et autres vivres, et vindrent au coucher presque my chemin de Blois , et le lendemain 2 prinarent leur chemin droit à Orléans. Et quand ilz furent ainssy que à une lieue de ladite ville d'Orléans , leur vindrent au devant ladite Jehanne la Pucelle, son estandart en sa main; La Hire, Messire Florent d'illiers et plussieurs autres , et vindrent tous ensamble passer par devant la grant bastille des Angloiz, nommée Londres, avecques leurs vivres entrer en ladite ville d'Orléans. Et environ deux ou trois heures après qu'ilz furent ainssy en ladite ville d'Orléans, se partit ladite Jehanne la Pucelle d'icelle ville, armée de tousharnoiz, et plussieurs autres gens de guerre en sa compaignie , et se tirèrent vers la bastille de Saint- Loup, en laquelle avoit grant nombre d'Angloiz, et fut assaillie durement , et treffort et très-longuement se deffendirent. Et, finablement, fut prinse icelle bastille , et furent tous iceulx Angloiz mors et prins. Et se mirent en chemin ceulx de la grant bastille pour leur cuider don-