CHAPITRE GLX

Comment le daulphin fut corronné roy de France, à Rains. De pluiseurs villes qui se rendirent à luy. Comment le duc de Bcthfort luy alla à V encontre et 'présenta la bataille; et des faictz de la Pucelle qui mena le roy devant Paris.

Vous advez ouy comment Jehenne la Pucelle fut tellement en bruyt, entre les gens de guerre, que réaiment ilz créoient que c'estoit une femme envoyée de par Dieu, par laquelle les Anglois seroient reboutez hors du royaume. Icelle Pucelle fut menée devers le daulphin qui voulentiers le vey et qui, comme les aultres, il 10

adjousta en elle grant foy, et fîst ung grant mandement où furent grand nombre des princes de son sang; c'est assavoir, le ducz de Bourbon, d'Alenchon et de Bar; Artus, connestable de France; les contes d'Erminacq , de Patriacq et de Vendosme ; le seigneur de Labreth, Le Bastard d'Orléans, le seigneur de La Tri mouille, et pluiseurs aultres grans seigneurs de France et d'Escoche. Et fut moult grande la puissance du daulphin, à tout laquelle s'en tira droit à Troies en Champaigne; et luy fut promptement la ville rendue, et luy firent obéissance. Aussi firent ceulx de Châlons et de Bains. En laquelle ville de Bains il fut sacré, oingt et couronné roy de France.

Ainsi fut Charles, le VIIe de ce nom, sacré à Bains, comme vous advez ouy. Après ce que le roy eult séjourné ung petit de temps en la ville de Bains, il s'en alla en une abbaye où on aoure saint Marcoul, nommée Gorbeny l , là où on dist que il prent la dignité et previlège de garir des escroelles. Ces choses faictes, il passa la rivière de Marne et se trouva à Crépy en Vallois. Quant le régent sceult que le roy avoit esté sacré à Bains et qu'il marchoit en pays pour tirer droit à Paris, il assembla une grant compaignie d'Anglois et de Picars, entre lesquelz estoient messire Jehan de Gréquy, messire Jehan de Groy, Le Bastart de Saint- Pol, messire Hue de Lannoy, saige et vaillant cheval-

1. On lit dans notre ms. : « où on aoure de saint Marcoul, nre « Gorbeny » ; et dans les éditions de Buchon : « où on aoure « sainct Marcoul, nostre corps bcny ». C'est pour la seconde fois que nous voyons, dans nos textes de Saint-Remy, ce nostre au lieu de nommé; et il y en aura, plus bas, un troisième exemple. Monstrelet dit : « il s'en alla à Corbeny, visiter saint Marcoul ».

lier, Jehan de Brimeu et aultres; lesquelz se trouvèrent en grant puissance en ung village nommé Mittry en France. Et les François et leur puissance estoit

en ung aultre village nommé \ à deux lieues près

de Crespy en Valois. Et là estoient le duc d'Alençon, ladicte Pucelle et pluiseurs aultres capitaines.

Le régent, qui désiroit la battaille contre les François, approcha d'eulx jusques à une abbaye qui s'appelle La Victoire, laquelle n'est pas loing d'une tour qui s'apelle Mont Espiiloy. Et là arriva, environ my aoust, l'an mil iiijc et xxix. Le roy ouy messe à Creppy, puis monta à cheval, armé d'une brigandine, et se tira aux champs, là où il trouva une belle compaignie et grande qui l'actendoit. Toutefïbiz, le duc d'Alenchon et la Pucelle estoient desjà devant et se trouvèrent bien près des Anglois, avant que. le roy venist. Et, quant le roy fut arrivé, lui et ses gens ordonnèrent une belle et grande battaille à cheval, et, avec ce, deux aultres compaignies à manière de deux elles ; et avec ce avoit ung grant nombre de gens de piet. Et, quant aux Anglois, ilz ne firent que une bataille et tous à piet, excepté Le Bastard de Saint-Pol, messire Jehan de Groy et aucuns aultres en petit nombre ; lesquelz quant ilz veirent les François, quant aux hommes d'armes, [qui2] ne descendoient pas à piet, montèrent à cheval, comme dit est.

Ce jour, faisoit grant chaleur et merveilleusement grant poussière. Or avint que à l'un des déboutz de la battaille des Anglois, les François firent tirer la