CHAPITRE CLX

De V ambassade que le duc de Bourgoingne envoya en Portingal, pour avoir madame Ysabel, la fille du roy, en mariage.

En l'an mil iiijc xxviij, dont devant est faicte mencion, le duc envoya son ambassade devers le roy de Portingal, pour avoir en mariage madame Ysabel, sa fille, dont cy après sera parlé en maintes manières. Car, en son temps, elle fut bonne, saige et plaine de belles vertus. Iceulx ambassadeurs furent le seigneur de Roubaix, Andrieu de Tholojon, Bauduin d'Oignies et aultres. Orestvray que quant iceulx ambassadeurs furent arivez devers le roy de Portingal, pour aucunes difficultez qui se trouvèrent touchant le mariage du duc, il leur failly renvoyer en Flandres devers le duc, où il estoit, et où y a bien grant voyage, soit par mer ou par terre. Et, pendant le temps que iceulx ambassadeurs renvoièrent devers le duc, le roy de Portingal maria son filz aisné, nommé Edouart, à la seur du

roy Alphons d'Arragon. Auquel mariage se fist une grande fesle et solempnité dont ung peu sera cy i'aietc mencion.