siège ». M. P
qui oncques ne fut parfaicte. Et dura icellui logis l'espasse de cuincq mois passez; et environ le mois d'octobre, s'assamblèrent les adversaires du duc jusques au nombre de iiijm combattans, ou plus; et vindrent pour ravitailler ladicte ville de Compiengne. Et quant les nouvelles furent venues à ceulx dudit logis, si leur fut acertené que iceulx venoient pour combatre; et lors, les contes de Hontiton, Ligney, d'Arondel et messire Hue de Lannoy ordonnèrent leurs gens pour combattre ; et furent les quatre bastilles fermées de bonnes gens de guerre, pour les garder.
Sy arrivèrent les dessusdis adversaires en une place environ une lieue de ladicte ville; et les seigneurs dessusdis sachans leur venue, cuidans que lesdis adversaires deuissent combattre, marchèrent en bataille, tous à piet, jusques à ladicte place, pour le grand désir qu'ilz avoient de combattre. Et, quant ce vint à l'aborder ensemble, les dessusdis adversaires se départirent sans combatre , et s'en allèrent ceulx de cheval devers la ville, à course de leurs chevaulx ; et ceulx de piet se frappèrent dedens la forestz, et là y eult desdis adversaires, que mors que prins, environ xxx. Sy couvint les seigneurs dessusdis retourner à piet, comme dit est ; et iceulx contes et seigneurs revenus, trouvèrent les adversaires en belle ordonnance et bataille, et à cheval, entre la ville et la forest, et là se monstrèrent bien gens de guerre.
Sy commença une escarmuche entre les deux batailles. Et, pour vray dire, se ilz eussent combatu l'un l'autre, la bataille eust esté mortelle; car la besoingne estoit très hayneuse, et si avoit des vaillans hommes d'un costé et d'aultre. Mais, à paines se
povoit il faire qu'il y eust battaille ; car les gens du duc ne vouloient combattre que à piet, et leurs adversaires à cheval. Sy estoit chascun sur sa garde; mais pendant icelle escarmuche, les dessusdis adversaires avoient envoyé de leurs gens de piet dedens la ville de Gompiengne; lesquelz avec ceulx de la ville, assaillirent la bastille où le seigneur de Créquy, messire Florimont et messire Jacques de Brimeu estoient. Or, ne povoient ceulx de la bastille veoir leurs gens estans en bataille, comme dit est. Et, pour ce, avoit esté dict à ceulx de Gréqui et de Brimeu, que ilz feissent gecter canons, se on les assailloit; lesquelz signes ne furent point oyz. Et, par ainsi, ne fut point ladicte bastille secourue, et fut prinse de bel assault ; et furent prins le seigneur de Créqui et ceulx de Brimeu et pluiseurs aultres, et furent mors bien xxx de leurs hommes1. Entre lesquelz y fut mors le seigneur de Linières, le chastelain Archenbault de Brimeu. Et, tantost après, vint à lacognoissance des contes de Hontiton, de Ligney et d'Arrondel, lesquelz en furent terriblement troublez, et non sans cause ; car ilz avoient fait une grande perte. Et lors firent, par ung roy d'armes, sommer leursdis ennemis et requérir la bataille ; mais ilz ne firent à ce propos point de responce.
Sy demourèrent les dessusdis en bataille, l'un devant l'autre jusques au vespre que les adversaires entrèrent dedens ladicte ville et y boutèrent grant foison de vivres qu'ilz avoient amené sur chevaulx en main. Et les gens du duc, tous ensemble, rappassèrent
l. « gens ». M. P.
la rivière d'Oise, à ung pont fait de batteaulx qui pour lesdis bastille et logis avoient esté faiz.
Le lendemain bien matin, les adversaires yssirent hors de la ville, et allèrent assaillir trois bastilles qui estoient près de la ville, et. en prinrent les deux, et la iije se tint. Et, se fait, lesdis adversaires se retrayrent dedens la ville ; et ce venu à la congnoissance du conte de Ligney, qui n'avoit nulle voulenté de partir, s'en alla où lesdis bastilles avoient esté gardées, et faisoit son compte de là attendre le duc, auquel il avoit mandé l'adventure du jour de devant. Et, tout ainsi que ledit conté de Ligney ordonnoit remectre gens dedens lesdictes bastille, on lui vint dire que les deux contes d'Angleterre, de Hontiton et d'Arondel, s'en voulloient aller, en disant que le payement de leurs gens estoient failly, passé avoit viij jours, et que sans argent ne demouroient plus. Pourquoy, le conte de Ligney, tant dolent que plus ne povoit, alla devers lesdis contes d'Angleterre, et les requist qu'ilz vaulsissent demourer [jusques à] * tant que on feust revenu de devers le duc. Mais ce ne vouldrent-ilz point faire, et se conclurent d'eulx partir.
Lors, tint le conte de Ligney conseil avec la noblesse, qui avec lui estoit. Sy fut advisé que, puisque on ne povoit faire demourer lesdis Anglois qui avoient la plus grosse compaignie, que bonnement ledit conte de Ligney ne povoit desmourer sans grant dangier, actendu que le duc estoit en Flandres; pourquoy ne pourroit venir là que ne feust bien hault jour. Et sembla que mieulx valloit que il se parteist avec les
deux contes dessusdis, que là demourer à si petit nombre de gens qu'il avoit. Sy fut conclud que il partirait; qui lui fut très amère desplaisance. Et partirent tous ensemble, et leissèrent leurs bastilles et logis; et ainsi demoura ladicte ville sans estre prinse.
