CHAPITRE GLXX

De la guerre de Vévesque de Liège à V encontre des Bourguignons, au pays de Namur et dudit Liège, laquelle fut fort rigoureuse.

Et, pour revenir au propos des Liégois qui estoient entrés ou pays de Namur, et pour parler des seigneurs de Croy et de Mamynes, chevaliers de l'ordre de la Thoison d'or, qui se partirent de Compeigne et arrivèrent en ladicte ville de Namur, au xvKl jour de juing, à tout belle et noble compaignie de gens de guerre, sy ne demoura guaires que les députez des quatre menbres de Flandres arrivèrent en ladicte ville de Namur, pour aller en la cité de Liège, espérans trouver traictié avec lesdis de Liège, là où ilz vacquèrent environ xiiij jours, durans lesquelz le seigneur de Croy ne fist aucune guerre, tant pour ce que lesdis depputez de Flandres n'eussent aucuns empeschemens, comme pour ce qu'ilz entendoient à fortiffyer les faubours de ladicte ville de Namur, qui n'estoient fermés que de pal lis. Ce non obstant lesdis de

1. Saint-Remy a ditplus haut(p. 181) : le xvj do juing. Ce devrait être juillet, d'après la date des lettres de l'évêque de Liège au duc de Bourgogne, dans Monstrelet et Chastellain.

Liège boutèrent les feux, le temps durant, en pluiseurs lieux oudit pays de Namur, et après le retour desdis députez de Flandres qui ne besoignèrent riens ; car lesdis Liégois ne désiroient que la guerre. Et lors, l'évesque de Liège, nommé Jehan de Hainseberghe, envoya audit lieu de Namur présenter ses lettres de deffîance audit seigneur de Croy, par lesquelles il deffyoit le duc pour cause de ce que ledit évesque de Liège avoit esté devers le duc pluiseurs journées touchant la question desdis Liégois. Et finablement fut appoinctié en ladicte1 ville de Gand et séellé que se aucuns d'eux voulloit faire guerre ou emprinse l'un sur l'autre, il le signiffieroit xv jours devant ladicte entreprinse. Et pour ce envoya lesdictes lettres au seigneur de Croy, lequel fut conseillié de les recevoir. Mesmement le porteur d'icelles disoit qu'il n'avoit charge que de les baillier audit seigneur de Croy.

Et, ce fait, sans actendre le temps de xv jours que ledit évesque avoit séellé, icelluy évesque party l'endemain et alla faire bouter feux en ung gros village, nommé Andenne, et fist tout ardoir, si non le corps de l'église des camionnes et chanonyesses. Et, ce fait, ledit seigneur de Croy fut conseillié de aussi deffyer ledit évesque, et ainsi le fist. Lesquelles deffiances présentées audit évesque, qui s'estoit retraict en sa ville de Huy, en actendant la puissance et commun de ses pays et le seigneur de Hainseberge, son père, qui le vint servir à tout vjc allemans ou environ, le sei-

I. Tous nos textes ont « la dicte », bien qu'il n'y ait point été parlé encore de la ville de Gand. Est-ce une faute; ou bien le passage aurait-il une lacune? On ne peut le contrôler par Monstrelet, qui est très sommaire sur ces affaires du siège.

gneur de Groy s'en alla devant la ville de Fosse, une ville fermée, laquelle estoit audit évesque, et le print d'assault, et le fist ardoir et destruire ; et puis retourna en la ville de Namur.

Ne demoura guaires que nouvelles vindrent au seigneur de Croy que les Liégois de dessus la rivière de Sambre estoient assemblez et que ilz vouloient bouter les feux en la conté de Namur, en ung gros village nommé Fléru. Et, pour en savoir la vérité, le seigneur de Groy y envoya de ses gens qui trouvèrent Liégois, assez près d'ung bois, de vj à vijc hommes à piet ; desquelz en demoura mors environ vj*x, et le surplus se sauvèrent ou bois et ailleurs le mieulx qu'ilz peurent. Tantost après, le seigneur de Groy envoya le seigneur de Reubempré, son beau frère, en la forteresse de Poillinache pour le garder allencontre des Liégois; mais il ne fut mie longhement dedens ladicte forteresse que, à une saillie qu'il fist allencontre de ses adversaires, fut bleschié et enmené prisonnier à Dynant où il morut de ladicte bleschure ; dont ce fut grant dommage.

L'évesque de Liège et ceulx de ses pays se mirent sus, tous ensemble, aux champs et s'en allèrent bouter feux parmy la conté de Namur, et mirent le siège devant une forteresse nommée Gosselines que avoit en garde Le Bastard de Samme, et lerendy aux Liégois, corps et biens saulf de lui et de ses compaignons. Mais ledit traictié luy fut mal tenu ; car les Liégois luy tuèrent environ 1 de ses gens à l'yssir de ladicte forteresse ; et se saulva ledit Bastar à grant paine, et ardirent ladicte forteresse. Fit, ce fait, passèrent la rivière de Meuse, à Huy, et allèrent asségier la forte-

resse de Pollinachc où le seigneur de Croy avoit envoyé, après la prinse du seigneur de Rembempré, ung chevalier nommé le seigneur de Senlis. Sy l'asségièrent les Liégois et leur fut rendue par traictié, saulfz corps et biens de ceulx qui estoient dedens. Et fut pour cause que l'eaue leur estoit faillie. Et là dedens estoient retrais les subgetz du pays d'entour; et sur cest estât avoient induce l, par séellez, de wider leurs biens jusques à viij jours. Mais riens ne leur en fu tenu ; car, au deuxesme jour, les feuz y furent bouttez et la place démoliez; et en icelluy siège envoyèrent ceulx de la ville de Trect cent arbalestriers et vingt hommes d'armes, avec aultres gens jusques au nombre de iiijc combattans, lesquelz furent tous ruez jus par le seigneur de Croy ; et peu en eschappa qui ne fussent mors ou prins.

Et tantost après, les Liégois allèrent mectre le siège devant la ville de Bouvignes et la conté de Namur, où estoient envoyez deux gentilz hommes de par le seigneur de Croy, nommé Sandras de Soier et Morlet de Renty, et pluiseurs aultres compaignons de guerre. Sy estoient les Liégois bien xxxm hommes, et dura ledit siège environ xxvj jours, et là y eult maintes belles escarmuches faictes ; et firent les Liégois trois ou quatre assault au bollverct de la tour. Mais ceulx de dedens se dépendirent si vaillamment que lesdis Liégois n'y peurent rien faire; et finablement levèrent leurs siège sans conequester la ville. Et durant icellui siège, les Liégois avoient leissié, pour garder le pays de Hazebain, ixm hommes, ou environ, tant de cheval