induie ». M. P

comme de piet. Sy est vray que le seigneur de Groy chevauchoit souvent, tant sur ceulx du siège comme sur ceulx qui gardoient le pays de Hazebain , là où il fist maintes belles escarmuches. Et tantost après, ledit seigneur envoya Jehan de Floron, et Allemant de Flesin, pour garder la ville de Wallecourt, en la conté de Namur ; mais iceulx n'eurent mie conseil de le tenir, ains s'en partirent et le abandonnèrent ; et les Liégois, tantost après, y entrèrent et le pillèrent, et puis y bouttèrent les feux.

Après ces choses faictes, les Liégois se retrayrent en leurs pays et bonnes villes de Liège, et ne demoura tenans les champs que les ix mille hommes qui gardoient le pays de Hazebain, sur lesquelz le seigneur de Croy et ses gens portoient de grans dommages et bouttoient les feux en pluiseurs lieux du pays de Liège. Tantost après, une compaignie de Liégois furent rencontrés de messire Jehan de Croy et de pluiseurs aultres chevaliers et aultres gens, et desconfirent lesdis Liégois. En y eult, que mors que prins, bien quatre cens ; et là furent faiz chevaliers le seigneur de Lannoy et Le Bastard de Namur, et les fist chevalier messire Jehan de Groy. Et durèrent icelles guerres, es pays de Liège et de Namur, les mois de juillet, aoust et septembre, lesquelles furent très rigoreuses ; et si furent moult dommageables à chascune des parties.

En la findudit mois de septembre, l'an mil iiijc xxx, furent prinses abstinence de guerre entre lesdis pays de Liège et de Namur ; et ce, pour cause de la mortalité d'impédimie, laquelle estoit si grande, en la ville de Namur et ou pays environ, que c'estoit pittié; et

dont le seigneur de Mamisnes, chevalier dudit ordre de la Thoison d'or, fîna vie par mort. Dont ce fut grant dommage; car il estoit vaillant chevalier. Et, par le traictié desdictes abstinences, fut appoinctié que une journée se tiendroit à Malines, où lesdits Liégois seroient oys par le duc et feroient offres pour estre receuz à traictié de paix, se faire se povoit.