CHAPITRE CLXXÏ

Comment les gens du duc de Bourgongne furent rués jus, devant Garmegny, d'ung embusche de François. Comment Hz envoyèrent demander la battaille au due qui estoit dedens Roye ; et la responce que le duc leur feit.

Et pour revenir du deslogement de Compiengne, vray est que le duc en fut moult desplaisans ; et mesmement pour les places que les adversaires avoient concquises depuis le deslogement. Et de fait, le duc assembla gens et les fist passer oultre la rivière de Somme, en tyrant droit à Garmegny, forteresse lors tenans le partie contre le duc, en laquelle estoit venu, de la nuyt, ung capitaine nommé Poton de Saint- Traille, en sa compaignie environ deux cens lances; et n'en sçavoient riens les gens du duc, et cuidoient qu'il n'y eusist que la garnison acoustumée. Or, advoit ledit Poton mis embusche sur la venue des gens du duc, assez près de ladicte forteresse. Or, est ainsi que fortune, qui pluiseurs choses de ce monde gouverne, fist saillir ung regnart en très beau pays ; et lors, le

cry et la chasse se fîst après icelJuy regnart; et lors, les adversaires saillèrent de leur embusche bien montez et armés, la lance au poingt, et se férirent dedens les gens du duc qui estoient bien espars et sans ordonnance, et les pluiseurs sans harnois de teste. Sy se cuidèrent les aucuns mectre ensemble, lesquelz furent tous mors et prins. Et lors commencèrent les aultres à fuyr et eulx sauver qui povoit ; et là morut Jacques de Helly, Anthoine de Vienne, et messire Thomas Beriel, anglois. Prins furent messire David de Poix, Ghérart de Brimeu et pluiseurs aultres ; et en y ot de mors bien xl. Et fut ceste besoingne faicte le xxe jour de novembre, mil iiijc xxx.

En ce mesme jour, le duc, séant à table, en la ville de Péronne, sceult la nouvelle de la destrousse de ses gens, qui moult luy despleut; et, en toute diligence monta à cheval et chevauça, le droit chemin, envers la place où ses gens avoient esté rués jus. Mais, les jours estoient lors si cours, et aussi, pour la grant compaignie qu'il avoit, ne peult aller plus avant d'ung village nommé Lihon en Santers , et encores fut nuyt ains qu'il y arrivast; lequel Lihons est à deux lieues de ladicte place de Garmegny. Et là fist le duc assembler son conseil. Lors, luy fut dit que Poton qui avoit rué jus ses gens, estoit logié ou village de Garmegny et hors de la forteresse, veu les gens qu'il avoit avec luy. Et adont le offry le conte de Ligney de y aller la nuyt, pour, au point du jour, frapper sur les logis dudit Poton. Aultres seigneurs estans audit conseil ne furent mye de celle oppinion , veu que le duc n'avoit pas grant nombre de gens, et si estoit bien avant en pays d'ennemis, pour mectre ce qu'il avoit de gens en deux il 13

parties. Sy demourèrent celle nuyt tous ensemble audit lieu de Lihoms ; mais à icelluy conseil fut ordonné que le duc envoyeroit quérir aucuns Anglois qui avoient levé le siège devant Clermont, pour venir devers luy. Sy tut ainsi fait, et y fus moy mesmes envoyet. Mais, je ne les trouvay pas ; ains estoient retrais à Rouen, où le roy Henry d'Angleterre, bien josne enftans, estoit. Et là trouvay le duc de Bethfort, lors régent de France, auquel je dis comment j'avoye leissié le duc, audit lieu de Lihoms, et comment ses gens avoient esté [rués jus et] [ destroussez. Sy me respondit le duc de Bethfort qu'il envoyeroit des gens à son beau frère le duc, et fîst grant dilligence de les assembler, comme cy après sera dit.

Et pour revenir à parler du duc, vray est que l'endemain dudit logis de Lihons2, il se desloga avec son armée et chevauça droit à la dicte forteresse de Garmegny ; mais n'y trouva personne, et s'en estoit allé ledit Poton, ensemble ses gens et ceulx de ladicte forteresse ; puis s'en alla à Roye en Vermendois tenans son party.

Or, est vray que le duc de Bethfort envoya ung de ses prochains parens nommé le conte de Perche, frère au duc de Sombresset, devers le duc, et, en la compaignie dudit de Perche, ung vaillant chevalier nommé messire Loys de Robersart, chevalier de l'ordre de la Gartière d'Angleterre; et exploitèrent tant qu'ilz furent jusques à ung village nommé Gonty, à cincq lieues de la cité d'Amiens, et là se logèrent. Et à