M.P. omet « de Lihons
icelluy logis vindrent sur eulx les adversaires : c'est assavoir, le conte de Vendosme, le mareschal de Bousackenne, capitaine escouchois, Poton de Saint-Trailles, Amado de Vignolles, et aultres jusques au nombre de quatre ou cincq mille combattans, lesquelz assaillèrent les dessusdis Anglois qui n'estoient que de quatre à cincq cens hommes ; et furent lesdis Anglois rués jus. Et là fut mort ledit messire Loys de Robersart, luy viije ; et se fust bien saulvé, comme on disoit, se il eust voulu ; mais pour cause qu'il estoit chevalier de ladicte ordre de la Gharetière, ne se vault retraire ou chastel de Conty. Le conte et ses gens se retrayrent audit chastel, et n'y eult pas grant nombre de mors; mais ilz perdirent la plus part de leurs chevaulx.
Après eulx venoit ung vaillant chevalier anglois, nommé le seigneur de Villevy, lequel alla saulvement devers le duc; mais desjà les dessusdis adversaires avoient esté bien près de la ville de Roye demander au duc battaille ; et, quant audit conte de Perche, il ne fut point devers le duc et ne passa point Amiens, comme dit est. Et après que lesdis adversaires eulrent rués jus le logis dessusdit de Conty, ilz s'en allèrent le chemin vers Roye et envoyèrent deux officiers d'armes, devers le duc, demander battaille. Sy adressèrent lesdis héraulx au conte de Ligney qui leur fist demander qu'ilz vouloient ; et lors dirent qu'ilz requéroient de parler au duc. Sy leur fut dit qu'ilz deissent ce qu'ilz vouloient dire. Sy dirent que ilz estoient là envoyez de par les dessus nommez adversaires pour avoir battaille allencontre du duc; ce qu'on luy fist savoir. Et tantost eulrent responce, laquelle fut telle que, pour le jour, il estoit bien tart pour combattre,
car c'estoit environ les plus cours jours de l'an ; et qu'ilz deissent à leurs maistres que, s'ilz vouloient actendre jusques à l'endemain matin, que le duc les combatteroit. Sy retournèrent devers leursdis maistres et dirent la responce du duc; laquelle responce oye, renvoyèrent leurs héraulx de rechiefz devers le duc, en disant que leurs gens n'auroient que vivre pour icelle nuyt et qu'ilz ne demouroient plus. Sy leur fut faicte responce, de par le duc, que on leur bailleroit bonne sceurté et abstinence de guerre pour icelle nuyt, et le lendemain heure de combattre ; et avec ce leur bailleroit et délivreroit la moittié des vivres qu'il pourroit avoir; et, se ilz n'estoient contens de demourer, ilz venissent auprès de ladicte ville de Roye où il les combatteroit.
Sy s'en retournèrent lesdis héraulx devers leurs maistres et firent leurs responces. Mais iceulx adversaires, ladicte responce oye, s'en allèrent toute la nuyt chascun en leurs villes et forteresses ; et ainsi se déportèrent et rompirent leurdicte assemblée, sans aultre chose faire; et le ducdemoura, celle nuyt, en ladicte ville de Roye. Et à l'endemain le duc se party et alla mectre le siège devant une forteresse nommée Lengny lès Càtégnies, laquelle lui fut rendue à voulenté, et y eult aucuns de ceulx de dedens1 pendus; et dura ledit siège v jours ou environ. Et là dedens estoit l'abbé de Saint-Faron lez Meaulx et pluiseurs gentilz hommes, tous à la voulenté du duc. Mais ledit abbé et aultres gentilz hommes furent mis à finances et depuis délivrez. Et le second jour de décembre
1. « aulcuns de ladicte ville ». M. P. Cette leçon a été suivie par B.
ensuyvant, se party le duc et s'en alla à Perronne et donna à ses gens congié, pour cause de Tiver qui estoit grant ceste année. Et dudit lieu de Péronne s'en alla à Bruxelles en Brabant, où estoit madame la ducesse ; et là fut jusques au iiije de janvier.
