CHAPITRE GLXXX1V

Comment le duc de Bourgongne partist d'Arras pour aller en Bourgongne contre ses ennemis qui gastoient le pays. De pluiseurs places qui se rendirent à luy par traictié et aultrement.

Or, fault revenir à parler comment le duc se partist de sa ville d'Arras pour aller en Bourgoingne, ainsi que devant est dit. Vray est que, avant son partement, fut par luy conclud qu'il laisseroit aucuns commis pour gouverner et garder ses pays, tant Artois, Flandres, Brabant, comme Haynnau, Hollande, Zellande et Namur. Sy y furent d'iceulx commis, de la noble ordre de la Thoison d'or, le seigneur de Roubaix, le

seigneur de Commines, messire Hues de Lannoy et messire Rolland d'Utequerke, avec pluiseurs aultres. Environ le parlement du duc, lurent commis de par Iuy et envoyez ambassadeurs au saint concilie, à Basle : c'est assavoir, messire Guilbert de Lannoy, chevalier dudit ordre, avec pluiseurs aultres nobles et soufissans clercz, et pour déclairer l'emprinse et allée du duc et de la ducesse, qui se estoient partis pour secourir et aidier sondit pays de Bourgoingne, où ses adversaires estoient entrés, comme dit est. Après ces choses ainsi par luy ordonnées et par son noble conseil, tant en sa ville d'Arras comme ailleurs, fault revenir à parler et de ses advenues depuis icelle ville d'Arras jusques à sondit pays de Bourgoingne, et, au surplus, des nobles emprinses et concquestes, avec les grans faiz d'armes, qui ont esté faiz et acomplis oudit pays de Bourgoingne, es jours, termes et dactes cy après déclairez.

Or, est vray que le duc ordonna pour sa conduicte deux principaulx capitaines; c'est assavoir, messire Jehan de Croy et le seigneur de Gréquy tous deux de l'ordre de la Thoison d'or. Messire Jehan de Croy faisoit l'avangarde1 ; le duc, avec pluiseurs aultres nobles capitaines qui faisoient la battaille; et le seigneur de Créquy l'arrière garde. Et en ceste assemblée avoit une très grant et noble armée de chevaliers et escuiers. Le duc entra ou pays de Champagne où on le tenoit pour adversaire. Le duc et son armée passa la rivière de Marne assez près d'Espernay, en tenant son chemin

1. B. altère ainsi ce texte : « C'est assavoir, messire Jehan de Croy — qui faisoit l'avant garde » ; supprimant, de cette façon, tout ce qui est intermédiaire, et le reliant au moyen d'un pronom relatif.