IS

devers la cité de Troyes1 ; ouquel chemin il eult grant faulte de vivres. Mais il séjourna par trois jours devant la ville de Troyez, là où vindrent pluiseurs marchans des villes et forteresses obéyssans à lui, quy très grandement avitaillèrent et promurent son ost de vivres et aultres affaires dont ilz avoient grant nécessité, et firent de moult grans resconfors en pluiseurs manières.

Et là vindrent les grans seigneurs de Bourgoingne, à noble compaignie, allencontre du duc. Le quart jour se desloga et alla mectre le siège devant une bonne ville nommée Mussi l'Evesque, séant sur la rivière de Saine, à l'entrée du pays de Bourgoingne. Le duc se loga à Poittières, une forte abbaye, ainsi que à une lieue près de Mussy. Les seigneurs de Gharny, messire Jehan de Groy, le seigneur de Gréquy et Le Bastart de Saint-Pol, et pluiseurs aultres grans seigneurs mirent le siège; et en peu d'heure fut ladicte ville de Mussi tellement approchie qu'il en y eult logiés dedens les fossez ; et tant fut approchie que , au boult de viij jours, ilz se mirent en traictié de rendre ou combattre au viije jour ensuivant ; et, ou cas que ilz ne seroient secourus, ilz renderoient ladicte ville et s'en iroient, saulfz corps et biens, rendans tous prisonniers et la ville entière. Et de ce faire et entretenir livrèrent ostages de ladicte ville. A laquelle journée ne s'aparut nulz pour combattre ne secourir. Sy fut la ville rendue par la manière que dit est, et furent renvoyez Iesdis hostages.

1. B. dit : « devers la cité de Challons; et en oultre devers la cité de Troyes. »

Après la reddition de ladicte ville s'en alla le duc, à tout sa noble armée, à Chastillon où estoitla ducesse; et de Chastillon se partist la ducesse à tout son estât, très noblement acompaignie, et s'en alla à Dijon, en Bourgoingne, là où elle se tint une très grande espasse de temps; et la conduisoit messire Anthoine deVergy, messire Jehan de Vergy et le seigneur de Neuf Chastel. Ces choses faictes, le duc se partist de Chastillon, à tout son armée, et tyra devers une forte place nommée Lizines, séant ou pays de Bourgoingne, là où il y avoit grosse garnison de ses adversaires. Sy y mist le siège et ordonna comme chiefz de l'ost le seigneur de Charny, et messire Jehan de Croy, chevaliers de la noble ordre de la Thoison d'or. Et se tint le duc en ung petit chastelet, nommé Haussi Le Serveur assez près dudit Luzines. Et y fut le siège par l'espasse de douze jours ou environ ; èsquelz xij jours iceulz adversaires furent si constrains par force d'armes que pour eulx rendre à la voulenté du duc; et ainsi se rendirent. Et estoient environ iiij" l combattans. Sy leur fut dit que s'ilz savoient trouver manière de rendre Passy, une ville fermée et chasteau séant à ung quart de lieue de là endroit, on leur sauveroit la vie; ou, se ce non, ilz moroient tous. Et alors, iceulx compaignons traictèrent tant par devers ceulx de Passy que ilz eulrent xv jours de indusse pour leurs secours aller querre. Et, ou cas qu'ilz se trouveroient plus forts sur les champs que le duc, ilz demouroient paisiblement en leurs possessions; et, se ce non, ilz estoient tenus de rendre ladicte place ; et de ce livrèrent bons et seurs