mille à douze cents ». B

hostages. Le duc, après ce qu'il ot oye leurs responce, leur dist que, pour xv jours ilz demandoient, il leur donneroit ung mois, lequel fut le premier jour de septembre; et sur ce rechupt lesdis hostages.

Le duc, espérant avoir journée de bataille, sans faillir, manda par tout son pays de Bourgongne la noble chevalerie et gentillesse ; lesquelz y vindrent bien et dilligemment. Et durant icellui terme d'un mois, le duc se tira à Dijon vers la ducesse, et ordonna les seigneurs de Cliarny, messire Jehan de Croy et le seigneur de Créqui, avec grant foison de gens pour concquerre et recouvrer pluiseurs places et forteresses anémies du duc, séans à l'environ d'icelles places de Passy et Lizines : assavoir, à Marligny, une forteresse moult belle, là où ilz furent par l'espasse de trois jours. Sy se rendirent, saulfz leurs corps et biens; et dedens estoient environ 1 ou lx combatans. Après, lesdis seigneurs tirèrent devers Ligny le Chastel, qui, tost après la sommacion faicte, se mirent en son obéissance. Et pariellement se rendirent pluiseurs aultres forteresses. Après, tirèrent droict à ung lieue nommé Erby le Chastel, là où y a bonne ville fermée; sy y mirent le siège, et y furent environ quatre ou cincq jours. Ouquel terme ceulx de ladicte ville, doubtans la force de l'ost, se mirent en traictié avant que les bombardes ne canons eussent tiré, ne à eulx fait grant dommage, par ainsi que ilz averoient tel traictié et appoinctement, que ceulx dudit Passy; et de ce livreroient1 bons et sceurs hostages, jusques au nombre de six. Sy leur fut accordé; par ainsi qu'ilz