M. P. — Notre ms. porte « la laissèrent

choses qui appartiennent à lieutenant de prince, tout et en telle manière que se le duc y eult esté en sa personne ; là où il s'est gouverné grandement et honnourablement. Et ainsi a esté toujours, toutes les conquestes durant jusques en fin, le seigneur de Croy en la compaignie du duc et auprès de luy et à toutes choses faire, tant en consaulx comme à toutes les journées et lieux là où il espéroit avoir battaille, comme son premier chambellan et le plus prochain de son corps. Et aussi le seigneur de Ternant a compaignie le duc tousjours, durant lesdis voyages, armées et concquestes dessusdictes. Esquelles conquestes, et durant toutes les choses dessusdictes, tant par les reddicions des forteresses adversaires du duc, comme par celles qui ont esté prinses et concquestées par force d'armes, par pluiseurs parties, depuis le premier siège mis par le duc devant Mussy l'Evesque, jusques à l'accomplissement de Pierre Petruis, se sont partis et wuidiés tant du pays de Bourgoingne comme des frontières à l'environ, ijm bons combattans ou plus, comme les traictiés et accordz en font vrav mencion .