CHAPITRE GLXXXVII

Comment les adversaires du duc de Bourgoigne prindrent d'assaulx la ville de Mont Saitit-Vincien, au pays de Charrolois; et comment Hz l'abandonnèrent, doubtant le siège.

Le jour des Roys, oudit an, fut prinse des adver-

saires du duc, la ville de Mont Saint-Vincien ou pays de Charrollois, et fut prinse d'assault ; c'est assavoir, de Rodigue, Chappelle, Sallesart, et pluiseurs aultres capitaines; et estoient en nombre xiiijc combattans. Le duc eult nouvelles de ladicte prinse le lendemain, au vespre, en la ville de Dijon, là où il estoit : et tantost après icelles nouvelles oyes, le duc assembla son consiel et conclud que, dès icelle nuyt, il y envoyeroient1 de ses gens. Sy y envoya Le Bastart de Saint Pol et messire Beaudart de Noyelle, le [seigneur] d'Auxy et aultres, à tout vjc combattans2; lesquelz s'en allèrent logier à ung village à trois lieues près de ladicte ville de Mont Saint-Vincent, et prinrent dix ou xij prisonniers desdis adversaires, par quoy on sceult quelz gens estoient en ladicte ville.

Les chevaliers dessus nommez firent savoir au duc, qui pour lors estoit à Dijon, toutes nouvelles de sesdis adversaires; et lors se party le duc, ces nouvelles oyes, en toute haste, pour les approchier, et s'en alla à Chàlon sur la Sonne. Et quant le duc fut illec arrivé, il fist son mandement en sa duchie et conté de Bourgoingne, et assembla grant nombre de gens, lesquelz allèrent en nombre à Buchy, où les chevaliers dessus nommez avoient esté x ou xij jours en gardant le pays du duc; et allèrent adviser la ville du Mont Saint- Vincien pour y mectre le siège. Et quant ilz eulrent advisé la ville, ilz se logièrent à demie lieue de la ville, pour l'endemain mectre le siège. Mais les dessusdis adversaires, doubtans le siège qu'ilz véoient aprochier, se partirent et s'enfuyrent par bois, hayes et che-