B. — Notre ms. a « envoyèrent

i. « cinq cents ». B.

mins, ou pays de Bourbonnois dont ilz estoient partis, sans ce que les gens du duc s'en percheussent qu'il ne fust jour. Et, quant les nouvelles vindrent en l'ost des seigneurs, en furent moult esbahis. Sy firent tantost mectre gens sus, pour aller après ; mais ilz estoient si élongiés qu'il n'en y eult nulz prins. Aucuns des gens du duc entrèrent en la ville, laquelle estoit destruicte desdis adversaires ; et les aultres s'en tirèrent à Chàlons.

Tantost après, se party le duc de Chàlons pour aller à Chambéry, en Savoye, au noepces du conte de Genève filz aisné du duc de Savoye, et cousin germain du duc. Se furent en sa compaignie pluiseurs grans seigneurs desdis pays de Bourgoingne et de Piccardie, comme sera cy après dit.