CHAPITRE CLXXXVIII

De la feste des nopces du conte de Genève, filz aisné du due de Savoye, et de Amie, fille du roy de Cippre, en la ville de Chambéry. Des princes, seigneurs, dames et damoiselles qui y furent; et de la pompe et esbattemens de ladicte feste.

Le dimence, vije jour de février, oudit an mil iiijc xxxiij, fut faicte la feste et solennité des noeupces de Loys, aisné filz du duc de Savoye, nommé conte de Genève, et de Anne, fille du roy de Cippre, en la ville de Chambéry en Savoye. Et à icelluy jour entra ladicte dame des nœpces en ladicte ville de Chambéry, environ iiij heures après midy, acompaignie du car-

u288 CHRONIQUE DE JEAN LE FÉVRE [1433]

dinal de Cippre, oncle de ladicte dame, et deux chevaliers notables du royaulme de Cippre, et de pluiseurs aultres chevaliers et escuiers, dames et damoiselles. Sy furent en la compaignie du conte de Genève, seigneur des noepces, à l'encontre de ladicte dame, le duc, et les ducz de Savoye et de Bar ; Jehan, monseur deClèves; Jehan, monseigneur de Nevers; Phelippe, monseigneur de Savoye ; le princes d'Orrenges, et le marquis de Salusse ; le conte de Fribourg ; Christofle de Harcourt et pluiseurs grans seigneurs de Bourgongne, de Savoye, et d'ailleurs, dont le recorder seroit trop long à escripre. Et quant les seigneurs dessusdis furent yssus de la ville de Ghambéry, se party le conte de Genève, seigneur des noepces, acompaignié de Jehan, monseigneur de Glèves; Jehan, monseigneur de Nevers; Phelippe, monseur de Savoye, son frère ; et pluiseurs chevaliers et escuiers ; et allèrent au devant de ladicte dame plus avant que les aultres seigneurs dessusdis ne firent; et trouvèrent ladicte dame environ une petite lieue de la ville.

Or, n'avoit oncques veu le conte de Genèves, seigneur des noepces, ladicte dame. Sy la bien vingna et baisa; et aussi firent les dessusdis de Clèves, de Nevers et de Savoye. Et, ce fait, retourna le conte de Genève devers les grans seigneurs dessusdis, lesquelz actendoient ladicte dame, environ ung quart de lieue de la ville; et les trois aultres de Glèves, de Nevers et de Savoye, demourèrent avec ladicte dame et l'acompaignèrent jusques où les grans seigneurs estoient.

Quant ladicte dame fut arivée là ou les grans seigneurs l'attendoient, hors de ladicte ville, elle fut

receue grandement et honnourablement; et là estoit le cardinal de Cippre, à qui les honneurs furent fais premiers ; et le baisa chascun des grans seigneurs en lajoë, et puis, après, ladictedame des noepces. Et, ce fait, entrèrent dedens la ville en très grant et noble compaignie.

En icelle entrée, estoit la dame vestue, et aussi les dames et damoiselles de sa compaignie, de la livrée du conte de Genève, seigneur des noepces ; laquelle livrée estoit robes vermeilles, et dessus les manches ung estocq ; ouquel estoc pendoit une plume d'austrice, faicte de brodure et d'orphaverie très gracieusement ; et espousa en tel estât. A icelle entrée, et tout au long de la ville, fut la dame menée par deux chevaliers à pied, nommez messire Jehan de Fise et messire Loys de La Morée, et destre du duc et du duc de Bar ; et ainsi acompaignie jusques à la chapelle du chastel, là où elle fut grandement receue. Devant la chappelle estoient pluiseurs grans dames et damoiselles, chevaliers et escuiers, qui la receurent grandement et honnourablement. Et là estoient les dames ; premièrement, madame Margherite, fille au duc de Savoy e, seur au conte de Genèves seigneur des noepces, et royne de Sézille; la dame de Gaucourt; la dame de Vauvert ; la dame de Vergectes ; la dame de Outille, et pluiseurs aultres dames et damoiselles dont les noms seroient trop long à escripre.

Or, fut la dame menée en la chappelle par le duc et le duc de Bar, et là ou les espoussailles et solempnitez de sainte Église furent faictes. Et, ce faictes, fut la dame menée en sa chambre, pour luy ordonner ; et là fut revestue d'une riche robe de drap d'or. Et h 19

tantost après, fut ladicte dame menée, par les dames et damoiselles, là où estoit la royne de Sézille, hors de sa chambre, jusques en court du chastel pour aller souper. Et en icelle court vindrent assembler, avec les dames, le duc, et les ducz de Savoye et de Bar, et pluiseurs grans seigneurs qui là estoient. Et durant ladicte feste, les princes et princesses dessusdis s'assemblèrent, en ladicte court, à l'eure que on devoit disner ou soupper.

La dame fut menée en la salle par le duc et le duc de Bar. Lors lavèrent, puis assirent à table comme cy après est escript : le cardinal de Cippre, le duc, la dame des noepces, la royne de Sézille, le duc de Bar, Jehan monseigneur de Glève, et Jehan monseigneur de Nevers. La seconde table : le prince d'Orenges, la dame de Vauvert, le visconte de Morienne, la damoiselle du Bon Repos, messire Jehan d'Assonville, la dame du Chastel Le Palu, la damoiselle de Sallenove. La tierce table : Ghristofle de Harcourt, le duc de Savoye, la dame de Gaucourt, le conte de Monrevel, le seigneur de Talenchon. La quatre table : l'évesque de Morienne, l'évesque de Thurin, l'évesque de Bêlais, le prévost de Mongat. La quinte table : le marquis de Salusse, la dame de Millan, la bailliesse de Savoye, la dame de Verget, la dame de La Marche. La vje table : le seigneur de Bussi, le seigneur de Vauvert, le seigneur de Palus, la femme de Pierre de Menton, la femme de Guillaume de Genève. La vije table : le conte de Fribourg, la dame de Piémont, le seigneur de Blanmont, la dame de Choragne, la dame de Barze, la dame de Monmajour, la dame des Allemet. Et, avec ce, y avoit pluiseurs chevaliers, escuiers,

dames et damoiselles, et grant foison gens d'estat qui mengoient en ladicte salle. Les chevaliers et escuiers qui alloient devant les mes1 : premiers, Guillaume Du Bois, premier maistred'ostel du duc ; messire Pierre Àmblart, maistre d'ostel de Savoye ; Meffroy de Salusse, mareschal de Savoye; messire Ybert, bastart de Savoye; Le Bastart de La Morée, messire Nicolle de Menton, le seigneur de Briaux, messire Boniface d'Oussez, le seigneur de Battray, Pierres de Menton, Jehan Mareschal.

Ladicte salle fut très grandement et plentureusement servie, et tant belle chose estoit à veoir que merveilles. Et, pour entremetz de viande, y eult chines tous blans; et sur chascun chine avoit une banière des armes des grans seigneurs qui là estoient, dont il y avoit grant foison. Après, y eult ung aultre entremetz de deux heraulx du duc de Savoye, lesquelz estoient vestus et leurs chevaulx couvers des armes de Savoye. Et, après eulx, avoit quatre trompectes sur chevaulx de artifice , couvers, eulx et leurs chevaulx, desdictes armes. Après lesdictes trompectes, avoit xij gentilzhommes qui portoient chascun une banière en leur main, armoïe des ducés, contés et seignouries du duc de Savoye; et estoit chascun gentilhomme vestue et armoyé et leurs chevaulx couvers de parielles armes dont ilz portoient les banières ; lesquelz chevaulx estoient tous d'artifice, excepté les deux chevaulx des deux héraulx dessusdis, qui estoient chevaulx à chevaulchier. Et ainsi entrèrent en ladicte salle trom-

1. « Et avec che y avoit pluiseurs chevaliers et escuiers — quy « alloient devant les metz ». M. P.

pectes [et clarons] jouans, et les xij gentilshommes, à tous leurs banières, saillans et poursaillans tellement que belle chose estoit à veoir.

A icelluy soupper, avoit pluiseurs trompettes et ménestreux de divers pays, jouans devant la grant table. Après ce, y eult plusieurs roys d'armes, héraulx et poursuivans, de divers lieux dont les noms s'ensievent : le roy d'armes de la Thoison d'or, Autherice, Savoye, France, comté de Genève ; héraulx Hermenie, Roumarin, Monréal, Argueil, Esprunier, Huriec, Zunillant, Humble Requeste, Doulce Pensée, Léal Poursuite ; ausquelz fut donné, par le duc de Savoye, deux cens francs, monnoie de Savoye, pour cryer « largesse ». Après le soupper, commencèrent les dances, où y eult grant noblesse ; dont il y eult entre les aultres choses xxxvj * chevaliers, [escuiers,] dames et damoiselles qui danssèrent deux et deux, dont le duc, et la dame de Gaucourt, furent premiers, le duc de Bar, la dame de Rie; après, le prince d'Orenges, la dame de Gensy, le marquis de Sallusse, la dame de Venssel et pluiseurs aultres jusques au nombre dessusdit. Lesquelz chevaliers, escuiers, dames et damoiselles furent tous vestus de drap de soye vermeil, et dessus bature à façon de drap d'argent très richement fait. Et avoient les chevaliers et escuiers leurs robes bordées de martres ; et les dames et damoiselles colliers et bordures2 de laitiches. Ainsi danssèrent, icelle nuyt, les dessus nommez; et, après les dances, fut appareillié ung très beau banequet pour tous ceulx qui banequeter vou-

« xxvj ». M. P.

« brodures ». M. P.

loient. Ainsi passa la première nuyt, en très grant

j°ye-

Le lundy, viij0 jour dudit mois enssuivant, furent les princes et princesses dessus nommez en la grant chappelle dudit chastel oyr messe; laquelle fut célébrée par l'évesque de Morienne et chantée par les chappellains du duc tant mélodieusement que c'estoit belle chose à oyr : car, pour l'heure, on tenoit la chappelle du duc la meilleur du monde, du nombre qu'ilz estoient. Et, à icelle messe, ne fut à l'offrande que la dame des nopces. Après icelle messe chantée, se retrayrent les dessus nommez en leurs chambres; et tantost après se rassemblèrent en la court du chastel et allèrent ensemble disner en la grant salle. L'assiette de la grant table fut : le cardinal de Gippre, la roine de Sézille, le duc, la dame des nopces, le duc de Bar, Jehan monseur de Clèves, Jehan monseigneur de Nevers ; et aux aultres tables furent assis les chevaliers, escuiers, dames et damoiselles, comme le jour devant avoient esté. Sy fut la salle servie très grandement, et allèrent les chevaliers, escuiers, trompettes et ménestreux devant les metz, comme le jour précédent.

A icellui disner, ot ung entremetz d'une nef à voille, mast et hune, en laquelle hune avoit ung homme, et ou chastel de darrière estoit le patron de la nef; au long de la salle, formes de seraines, qui chantoient très gracieusement. Et estoit icelle nef chergie de poissons, desquelz en fut deschargie partie devant la grant table. En ce mesme disner, jouèrent trompettes et ménestreux, comme le jour devant, et leur fut donné

par Ymber, bastart de Savoye, cincquante frans, pour cryer « largesse ». Ainsi se passa le disner. Après, les dances; qui danser vouloit.

Au soupper, furent les seigneurs, dames et damoiselles en la salle. Se fut l'assiette faicte comme celle du disner ; et fut ladicte salle grandement servie. Et durant icelluy soupper, y eult ung entremetz d'un destrier mené par deux varletz, à faiçon d'olifant; et, dessus, ung chastel de bois, là où il y avoit ung gentilhomme, lequel avoit eilles de plumes de paon, et ordonné à faiçon de dieu d'Amours. Et tenoit en sa main ung arc dont il trayoit, de table en table, dessus les dames et damoiselles, roses blances et vermeilles ; et ainsi alla deux tours au long de la salle ; et fut si bien fait que c'estoit belle chose à veoir. Après, jouèrent trompettes et ménestreux devant la table ; et leur fut donné, par le cardinal de Gippre, cincquante frans de Savoye pour cryer « largesse ». Et, après grâces dictes, commencèrent les dansses; èsquelles dansses y eulrent pluiseurs grans seigneurs, dames et damoiselles, jusques au nombre de trente à quarante, tous vestus de blancq couvert d'or clinquant ' ; et, sur leurs testes, bourlés pariel des robes. Et avoient les chevaliers et escuyers leurs robes à longues manches aguës et chains de grosses chaintures plaines de clochettes ; et les dames et damoiselles justes robes ; et dansèrent en tel estât deux et deux. Et menoit le duc la royne de Sézille, le duc de Bar la dame de Barget ; et tous les aultres danssèrent pariellement comme la