vestuz de blancq — or clincquant ». M. P

nuyt devant. Et, après icelles dances, fut apporté vin et espisses; et ainsi passa icelle nuyt.

Le mardy enssuivant, furent les seigneurs, dames et damoiselles en la chappelle dessusdicte oyr messe. Après la messe, allèrent disner en la salle, excepté le duc et le duc de Savoye, lesquelz disnèrent en leurs chambres. L'assiette de la grant chambre1 : le cardinal de Gippre, la royne de Sézille, le duc de Bar, la dame des nopces, Jehan monseigneur de Clèves, et Jehan monseigneur de Nevers; et les aultres tables ainsi que devant avoient esté , réservé que Phelippe de Savoye fut assis en la place du duc de Savoye, son père. Là, y eult ung entremetz de quatre hommes en forme d'hommes sauvages, lesquelz portoient ung jardin vert, plain de roses ; et dedens ledit jardin avoit un bosquetin en vie, lequel avoit les cornes dorées d'or. Et estoit ledit boucquestin si bien atachié sur ledit jardin qu'il ne se povoit bougier. Et, ce fait, jouèrent trompettes et ménestreux ; et leur donna messire Meffroy de Salusse xxx francs, monnoie du pays, pour cryer « largesse » . Ainsi passa le disner dessusdit ; et, après disner, les dances.

Icellui jour, au soupper, furent lesdis princes et princesses en la salle comme dessus. A icellui soupper, y eult ung entremetz de quatre hommes, lesquelz portoient un pasté [au long de la salle ; et fut ouvert devant lagrant table. Et avoit dedens ledit pasté2] ung homme en forme d'ung aigle si proprement ordonné de teste, de becq, d'eilles et de corps que bien ressem-