r table ». M. P
bloit à ung aigle. Et fesoit ledit aigle semblant de voler hors dudit pasté ; et alors yssoient, de dessus luy, coulons blans, lesquelz voloient sur les tables de la salle; et sembloit aucunefïbiz que lesdis coulons yssissent de dessoubz ses eilles. Se, fut porté deux tours au long de ladicte salle; et, ce fait, j lièrent trompettes et ménestreux; et donna Phelippe, monseigneur de Savoye, cincquante frans, pour cryer « largesse » ; et le marquis de Salusse en donna pareillement cincquante ; laquelle largesse fut cryée comme dessus.
En ce point passa le soupper. Après, commencèrent les dances des seigneurs et dames dessusdis jusques au nombre de trente ou quarante ; lesquelz furent tous vestus de robes, chaperons et chappeaulx noirs couvers d'or clinquant; et sur les chappeaux grans plumers d'icellui or, et leurs chapperons enformez; et les chevaliers et escuyers faulx visages, et les dames non. Se, danssèrent en tel estât, excepté le duc, lequel fut, luy x ou xije, vestus de palletos de drap vermeil, et pardessus longues robes à queues traynant, de très déliés ceuvrechiefz. Et avoient sur leurs chiefz rons bourlais; et dessus lesdis bourlais voiles du pareil desdictes robes ; et ainsi vindrent danser avec les dames.
Après lesdictes dances, fut ordonné ung très beau bancquet, là où les seigneurs, dames, et damoiselles bancquetèrent en très grant joye et lyesse. Après icelluy bancquet, recommencèrent les dances comme devant. Et, le merquedy ensuivant, il n'y eult ne disner ne soupper en ladicte salle; mais il y eult dances èsquelles y eult xviij chevaliers et escuiers vestus de robes de drap ganne, couvers de clocquettes, chapperons et robes tenans ensemble. Et avoient les chappe-
rons grans oreilles, comme folz ; et ainsi danssèrent avec les clames.
Le jeudy, y eult aussi pareillement dansses au vespre, sans nul desguisement ; et là , y eult maintes chançons chantées, tant de musicque comme de bregierettes; et, après, vin et espices furent données. Et ainsi se passa ceste belle feste, comme vous avez ouy ; et, dès icelluy soir, les ungs prindrent congié des aultres; car l'endemain se partirent les princes, le duc, et le duc de Bar, et pluiseurs aultres chevaliers, escuiers, dames et damoiselles, qui là estoient venus en grant nombre. Car, à la vérité, ce fut une grande et noble assemblée de princes et grans seigneurs, de dames et damoiselles; et fust la feste, sans tournoy et jouste, aussi belle que on povoit veoir ; et, pour la beauté d'icelle, je le mis par escript.
