CHAPITRE CXG

Comment le duc de Bourgongne partist de son pays de Flandres, pour estre au jour que les François avoient prins de combattre ou rendre la place de Gransy,

laquelle fut rendue. De pluiseurs forteresses prinses autour de Mascon, et de la prinse de Chaumont, Belle Ville; et comment les ducz et ducesses de Bourgoingne et de Bourbon s' assemblèrent à Nevers, faisant grosse chière les ungs aux aultres; et de la conclusion de la journée qui se tiendroit en la ville d'Arras.

En icelle saison, mil iiij0 xxxiiij, fut, par les nobles et grans seigneurs de la duchie et conté de Bourgoingne, le siège mis devant Gransy que les François tenoient ; et tant y fut procédé que les François prindrent traictié et jour de combattre ou rendre ladicte place. Le duc, qui estoit en Flandres, sceult le jour. Sy fist son mandement et assembla gens, pour estre à ladicte journée ; et se partit de son pays de Picardie, à compaignie de messire Jehan de Clèves, du seigneur de Croy, de Haubourdin, d'Auxi, de Wavrin, messire Simon de Lalaing, Lancelot de La Trimouille, et pluiseurs aultres; et vint tenir ladicte journée. Et luy vindrent, au devant, de ses pays de Bourgoingne, le prince d'Orenges, messire Anthoine et messire Jehan de Vergy, le seigneur de Neuf Chastel, le seigneur de Saint-George, le seigneur de Ternant, et la chevalerie de Bourgongne.

Lesdis François ne vindrent point, et fut ladicte place rendue et démolie. Au départir de la journée, le duc, et la ducesse qui estoit allée au devant du duc, et le seigneur de Gharrollois, petit enfant, s'en allèrent à Dijon : et, pour ce que lesdis François avoient prins pluiseurs places en Gharollois et environ Mascon, le duc envoya les seigneurs de Haubourdin

et de Wavrin es frontières de Gharrollois ; et messire Anthoine de Vergy mena avec luy messire Simon de Lalaing, messire Robert de Saveuses, Lancelot de La Trimouille1, Harpin de Ricammes, et les gens de messire Jehan de Hornes, et le seigneur d'Auxi devant Lengres, et ardirent tout le pays à l'environ ; et y eult une très grosse escarmuche devant Lengres. Au retour de là, le duc envoya le duc de Charny, à compaignie desdis de Lalaing, de Saveuses et Ricammes, avec aultres de Rourgongne, à Mascon où ilz trouvèrent le seigneur de Ternant à compagnie de Jehan seigneur de Grouille et pluiseurs aultres; et ordonna de mectre le siège devant pluiseurs forteresses que les François tenoient environ ladicte ville de Mascon ; ce qu'ilz firent, et prinrent et abbattirent, et firent ceulx de dedens tous pendre2.

Pareillement envoya les seigneurs de Haubourdin et de Wavrin et pluiseurs aultres mectre le siège devant une forte place nommée Chaumont ; et estoient dedens environ deux cens combattans. Le duc, mesme ce temps pendant, durant le siège, envoya quérir le prince d'Orenges et pluiseurs aultres seigneurs de Rourgoingne ; et s'en allèrent devant ladicte place de Chaumont; et là fut tant que elle se rendy à sa voulenté, et les fist tous pendre. Au partir de là, il manda le seigneur de Charny et luy dist l'eure et le jour qu'il seroit audit lieu de Mascon ; et luy ordonna que, à icelle heure , luy et tous ses gens partissent et menassent vivres avec eulx et allassent devant