prendre ». M. P
Villefrance prendre le siège et enclore le duc de Bourbon dedens, et que le lendemain il y seroit, à toute sa puissance. Les seigneurs dessusdis se partirent à l'eure ordonnée, et se mirent aux champs et parlèrent au duc, qui à icelle heure entra audit Mascon. Ils se mirent en chemin [environ soleil couchant; et,] { environ minuyt, leurs chevaucheurs encontrèrent monseigneur de La Crette, le seigneur de Chabennes et la puissance du duc de Bourbon, qui s'estoient partis de Belleville pour venir ruer jus le logis dudit de Saveuses, qui a voit esté logié en ung village au dehors de Mascon. Lesdis François eulrent le premier cry et reboutèrent les coureurs dedens leurs gens. Mais tantost, messire Simon de Lalaing et aultres, qui faisoient l'avant garde devant le charroy, mirent pied à terre et jectèrent leur cry : et tantost, lesdis François retournèrent en grant desroy à Belleville. Mais, pour ce que c'estoit par nuyt, on ne les chassa point, eï se remirent lesdis Picars et Bourguignons en leur train, en belle ordonnance, et passèrent auprès dudit Belleville et arrivèrent devant Villefrance.
L'endemain, environ viij heures du matin, ilz se mirent en battaille assez près de la ville, et là descendirent et repeurent eulx et leurs chevaulx, et conclurent que quant ilz averoient repeuz, ilz drescheroient une grosse escarmuche et adviseroient de prendre leur logis. Mais, tantost qu'ilz furent descendus, ung messagier leur apporta lettres du duc par lesquelles il leur manda que il ne venroit point, et que, tantost
ces lettres vues, ilz s'en retournassent audit lieu de Mascon. Et, à ceste cause, après ce qu'ilz eulrent repeuz, ilz se mirent en retour, en bonne ordonnance; et pour ce qu'ilz savoient le duc de Bourbon avoir grant puissance, et que le pays environ Villefrance est couvert et estroit, ilz ordonnèrent ijc archiers à pied avec les arrière coureurs, et firent mener leurs chevaulx par leurs compaignons jusques à ce que on venroit1 au large. Mais, peu de gens se monstrèrent pour venir après eulx. Hz se remirent en leur train, et, au repasser devant Belleville, eult une très grosse escarmuche à pied et à cheval; et fust bien avant en la nuyt, avant que ilz fussent retournez à Mascon.
Le lendemain fu par le duc conclud d'aller asségier Belleville ; ce qu'il fîst ; et le fist tellement battre que il fut conclud que, à certain jour, à l'obbe2 du jour, ung chascun seroit armé le plus près des fossez que ilz porroient. Et eult ledit de Lalaing la cherge, à certain nombre de gens garnis d'eschielles, après que la bombarde auroit gecté, entrer es fossez et monter à mont, et les aultres sievir moittiet eschielle, moittiet assault. Mais, cependant, le seigneur de Haubourdin, par le moyen du seigneur de Plansy, parlamanta et fist tant qu'ilz offrirent d'eulx rendre et d'en aller, saulfz leurs vies, ung baston en leurs mains3, et laisseroient chevaulx, harnas et toutes aultres
