escuyrie ». M. P

Le conte de Meurs vint en ladicte ville, le ixe jour d'aoust, bien acompaignié de chevaliers et escuiers des pays d'Allemaingne, jusques au nombre de xvj ou environ, et de chevaulx environ cincquante. Messire Rolland d'Utekerque y entra, ce jour, bien acompaignié, et ses gens richement vestus de sai livrée de brodure et orphaverie ; xij crencquins devant luy, et vij pages après luy, [et] moult beaux chevaulx; et avoit environ xxx chevaulx sans les sommiers et babaiges1.

Le jeudy, xje jour d'aoust, y eult faictes armes dont le duc fut juge ; et se firent par deux gentilzhommes chevaliers, dont l'un estoit du royaulme de Gastille, et avoit à nom messire Jehan de Merlo; et l'autre le seigneur de Charny, du pays de Bourgongne. Sy estoient les armes telles que de courre chascun iij lances assises et rompues, chascune arme à voulenté ; et se firent par la manière qu'il s'ensieult. Le jour dessusdit, entra ledit de Merlo à ix heures du matin, par le fenestre2 et entrée des lices monté tout armé sur son cheval. Et avoit ung healmet à tout ung blanc plumas, en sa main une bannerette vermeille à tout une croix blanche, son cheval tout couvert de drap

!. On lit dans B. : « douze crénequins arbalétriers devant luy, « et sept paiges derrière luy, et moult beaux chevaux, sans les « sommiers et bagaiges ».

2. Nos deux manuscrits etB. ont bien fenestre; mais ne doit-on pas plutôt lire : « par le senestre entrée des lices », en supprimant la conjonction et? On ne se fait pas naturellement à l'idée de voir un homme à cheval entrer en lice par une fenêtre, bien que le mot ait son sens dans la langue des tournois. Nous verrons, plus loin, le seigneur de Charny y entrer « par la dextre entrée du « champ ».

vremeil; et avoit son espée chainte, et faisoit mener ung coursier en main après luy.

Item, on portoit avec luy iiij lances toutes blances. Et sa compaignie estoient quatre chevaliers que le duc luy avoit ordonné pour luy conduire; et estoient en sa compaignie environ xx chevaulx. Et s'en vint présenter ainsi devant le duc, et dist : « Très excellent « et puissant prince et redoubté seigneur, je me « viengs présenter par devant vous , pour acomplir « ce que j'ay promis à faire. » Le duc luy dist qu'il fust le très bien venu, et que il le tenoit bien pour présenté. Environ demie heure après, vint le seigneur de Charny acompeingnié de très grant foison de seigneurs, chevaliers et escuiers, roys d'armes, héraulx et trompettes; et y fut le conte de Suffort, anglois, lequel portoit une lance. Le seigneur d'Arguel, filz au prince d'Orenges, portoit une aultre lance. Après, venoient le conte de Saint-Pol, le conte de Ligney, lesquelz portoient aussi chascun une lance, qui estoient toutes bleues. Le conte d'Estampes alloit après, lequel portoit son heaulme. Après, alloit le conte de Nevers, qui portoit le manicle, et messire Simon de Lalaing le grant garde-bras. On menoit darrière luy quatre beaux coursiers par quatre pages, couvert moult richement de drap vremeil, broudé d'or; et son coursier, sur quoy il estoit, estoit couvert de drap d'or violet, et avoit une journade de pareil par dessus son harnois , en sa main une banierrette, dont à l'un des lez estoit l'image de Nostre Dame, et à l'autre lez l'image de saint George.

Les quatre seigneurs, dessusdis qui portoient les lances, vindrent requerre au duc que on visitast les

mesures des lances, et ainsi fut fait; mais elles ne furent mie trouvées toutes d'une longueur; et pour ce que on mectoit ung peu trop longuement à les mectre à poinct, ledit seigneur de Charny envoya dire audit seigneur de Merlo qu'il luy cnvoyast deux de ses lances, et il luy envoyeroit deux des siennes. Ledit seigneur de Charny assaya son cheval deux courses avant ce qu'ilz besongnassent ; et, après le cry et les deffences faictes, ilz tirent leurs courses par la manière qu'il s'ensieult.

La première course, ilz faillèrent, et aussi la ij°, la iije. La iiij6, assist ledit de Merlo. Le ve, ilz faillirent. Le vje, ilz croisèrent. Or, est vray que le cheval dudit de Merlo fuyoit tousjours, et ne vouloit le cop attendre. Il fîst requérir au duc qu'il luy donnast grâce de rechangier cheval, et le duc luy accorda. Sy descendy es lices, présent tout le peuple; puis remonta moult habillement sur ung aultre cheval , et parfirent leurs courses. Le premier cop après ledit chambgement, ilz rencontrèrent, très radement, de bonne et noble assiette, et rompirent tous deux leurs lances très vaillamment. Au xiije cop, toucha ledit de Merlo. Le xiiije, faillirent. Le xve, ilz croisèrent. Le xvje, ilz assirent tous deux, et rompy ledit de Merlo sa lance; et en ce point, les fîst cesser le duc, et les fîst venir devant luy, et dist premier audit de Merlo : « Je tiengs les « armes de cheval de vous et de vostre compaignon « pour acomplies ; et les avez faictes bien et vaillam- « ment. » Et pareillement en dist autant au seigneur de Charny. En ce point, ilz prindrent congié du duc, et se partirent hors des lices. Mais, ilz faisoient ung peu de difficulté de départir hors, l'un devant l'autre ;

et firent demander au duc comment il luy plaisoit qu'ilz feissent. A quoy le duc respondy que ilz widassent chascun par où ilz estoient entrés, et qu'il n'y avoit point de péril lequel widast le premier. En ce point se conclud la journée.

Or, fault ung peu parler de ce que ledit de Merlo entra dedens les lices, l'espée chainte, et à tout courut environ iij ou iiij courses. Les conducteurs, lesquelz estoient du conseil du seigneur de Gharny, parlèrent au duc, en disant que ledit de Merlo avoit son espée sainte1, en courant, qui n'estoit pas chose acoustumée. Sy en fut parlé audit de Merlo, qui tantost libéralement le deschaindy. L'endemain, vendredy, lesdis de Merlo et de Charny firent armes à pied, comme ilz avoient promis, par leurs séellés, grant temps devant ; dont le duc fut juge , et firent par la manière qu'il s'ensieult.

Les preneurs ad ce commis et ordonnez par le duc furent viij ; et à l'heure de vij heures du matin, entra ledit de Charny, par la destre entrée du champ, sur ung coursier moult richement armoyé de ses armes, et moult notablement acompaignié. Et portoit le conte de Suffort son espée, le conte de Saint-Pol la targe, le conte de Ligney la lance, et le conte d'Estampes la hache ; et s'en alla tout droit dedens son pavillon , lequel estoit moult riche de drap de damas armoyé de ses armes ; et puis s'en alla devant le hourt, où le duc estoit acompaignié moult honnourablement, et se mist à genoulx. Là, le seigneur de Santés parla pour luy, et dist en telle manière : « Mon très redoubté seigneur,