chuinte ». M. P

« véez cy monseigneur de Cliarny, lequel se présente « devant vous, comme à son juge, pour faire ce pource quoy il est icy venu. » Et le duc luy respondy qu'il le tenoit bien pour présenté. Après ce, il se retraict en son pavillon, et avoit en sa main une bannierrette, là où il y avoit, à l'un des costés, l'ymage de Nostre Dame, et, à l'autre lez, saint George; et en faisoit souvent le signe de la croix.

Tantost après, vint ledit de Merlo, tout à pied, à compaignie de ceulx qui l'avoient acompaignié le jour devant, lesquelz portoient ses bastons; et estoit armez de tout plain harnaz, le bachinet en teste, visière levée, ung bien délié cœuvrechief devant sa visière, lequel il avoit, la journée devant, autour de son bras; et estoit vestu de sa cotte d'armes, et ainsi entra en son pavillon. Puis, alla faire la révérence au duc, leur juge; après, retourna en son pavillon. Icelles choses faictes, les seigneurs qui acompaignèrent le seigneur de Charny allèrent devers le duc, et par espécial le seigneur de Santés, et dist en telle manière : « Mon « très redoubté seigneur, vous nous avez ordonnés « au conseil du seigneur de Charny ; et si avez veues « les lettres contenant ce pour quoy ilz sont icy « assemblez au fait des armes. Nous avons veu que « le chevalier, qui cy est venu, aporte ung becq de « faucon, en lieu de hache, et vous sçavez qu'ilz « doivent combattre de haches; et nous semble qu'il « y at grant différence. Sy vous prye le seigneur de « Charny qu'il vous plaise à en ordonner; et ledit « seigneur de Charny est prest d'en faire ce qu'il vous « plaira. » Ces parolles oyes, le duc alla au conseil, et sur ce il leur respondy : « Il me semble que eulx

« mesmes en soient d'accord ensemble, et parlés aux « deux parties. » Dont, sur ceste responce faicte par le duc, les seigneurs parlèrent les ungs aux aultres, et y eult assez parolles ; mais en fin ilz se conclurent. Se s'en revindrent lesdis seigneurs qui avoient parlé au duc, et luy dirent ainsi : « Mon très redoubté sei- « gneur, monseigneur de Charny est d'accord, pour « l'onneur de vous et de gentillesse, et pour son hon- « neur, et non pas pour droit, que l'autre se combatte « de son becq de faucon ; ce que on n'a point veu ou « royaulme de France ; car becq de faucon n'est mie « hache, ains sont deux choses. »

Après ces parolles, ilz se retrayrent. Le duc tenoit une flesche en sa main; sy demanda aux gardes, (c'est à entendre aux preneurs) s'ilz congnoissoient bien le signe; et ilz dirent que oil. Tantost après, les crys et deffences, ainsi qu'il est acoustumé, furent faictes; et, ce fait, le seigneur de Charny sailly hors de son pavillon bien armé en cotte d'armes, garny de tous ses bastons, la lance branlant en son poing, et d'un hardy courage tyra, pas à pas, pour aller vers le pavillon de sa partie. Après, sailly ledit de Merlo de son pavillon, sa visière levée, sa lance au poing, le ceuvrechief sur sa visière, lequel il fîst hoster par ung gentilhomme de son pays ; et bien hardiement en ce point, la lance au poing, s'en alla au devant de son compaignon, lequel s'estoit fort avanchiés. Adont, ledit de Charny, quand il le vey [si] près luy que pour gecter la lance , il le gecta ; et puis bien hastivement print sa hache à deux mains. Adont, ledit de Merlo, par grant vertu, gecta sa lance et assena ledit de Charny ou bras sénestre, et l'en ferra en l'estreniche

de son brachelet, au dessus de son gantelet, tant que la lance se tint atachie une espasse. Mais, ledit de Charny, bien habillement, escoux son bras et le defféra. Ledit de Merlo print son becq de faucon à deux mains, et s'en vint, bien hardiement, contre ledit de Charny ; et là s'entrecontrèrent bien et vaillamment. Quant ilz se furent, une espasse, combatus de leurs haches, et fait l'un l'autre tourner et despasser, et monstre les tours d'armes qu'ilz savoient, comme vaillans et hardis chevaliers, le duc gecta sa flesche en bas, et dist : « Hola! hola! » Adont, les preneurs les prindrent subz en ce point. Les conducteurs vindrent devers le duc, en disant qu'ilz les avoient prins subz, plustost que les parties n'eussent voulu. Se demandèrent au duc quel chose il luy plaisoit qu'ilz feissent, et s'ilz viendroient tous deux ensemble vers luy, ou chascun à par soy [Adont, dist le duc : « chas- « cun à par soy »]. Sy vint le seigneur de Charny, et se mist à genoulx, et leva sa visière ; et parla ledit de Santés, et dit : « Mon très redoubté seigneur, vécy le « seigneur de Charny, tout prest de faire et parfaire « son debvoir. » A quoy le duc respondy que il avoit très bien et vaillamment fait, et que il tenoit les armes bien acomplies. Après, vint ledit de Merlo, la visière levée, et se mist à genoulx devant le duc et dist : « Très hault, très excellent, puissant prince et re- « doubté seigneur, je suis venu, de bien loing, devant « vostre seignourie, là où je ay eu moult de traveil « par terre et par mer, et une grant despence pour « si peu de chose faire; et eusse bien voulu qu'il « vous eust pieu de nous leissier encoires ung peu « esbattre et prendre encoires ung peu de plaisir en

« armes. » Le duc luy dist qu'il avoit très bien et vaillamment fait, et qu'il tenoit les armes pour bien acomplies. Alors ledit chevalier réplicqua et dit : « Très redoubté prince, les loings voyages et traveil « que j'ay fait pour cy venir par devant vostre sei- « gnourie, laquelle est tant et si noblement recom- « mandée par tout le monde, me fait penser et annuyer « que vous ne nous avez laissié plus avant besoin- « gner, s'il vous eust pieu. » Le duc luy respondy : « Vous ne devez estre mal content, car vous avez très « vaillamment fait; aussi à l'autre. Sy tiengs les armes « pour toutes parfaictes et acomplies. » — « Adont, « respondy-il, puis qu'il plaist ainsi à vostre noble « seignourie, il en soit fait à vostre noble plaisir; car « je n'en puis aultre chose faire. » Et en ce point, il se retraict pour aller devers son pavillon. Le seigneur de Santés vint dire au duc quel chose il luy plaisoit qu'ilz feissent, et que on avoit veu autrefïbiz que on les faisoit touchier ensemble. Adont, dit le duc que on les fist venir tous deux et que on les feist touchier par bonne amour. Hz vindrent tous deulx devant le duc, et ostèrent leurs ganteletz; et bénignement ilz se touchèrent ensemble ; et Dieu scet les révérences et les remerchiances qu'ilz faisoient. Sy prinrent congié du duc, et se partirent du champ honnourablement. Le xxije jour du mois d'aoust, entra en ladicte ville d'Arras l'évesque de Liège acompaignié de nobles chevaliers, escuiers, gentilzhommes et aultres richement habilliés, au nombre de ijc xlvj chevaulx; et s'en alla tout droit à l'ostel du duc. En ce mesme jour, entra l'ambassade d'Angleterre en la ville d'Arras; pour laquelle cause le duc monta à cheval, pour aller

au devant d'eulx, très noblement acompaignié de ses serviteurs, contes, barons, chevaliers, et escuiers. Pareillement se mirent ensemble tous les cardinaulx et tous les archevesques et évesques, qui estoient en ladicte ville, et s'en allèrent allencontre de ladicte ambassade. En laquelle ambassade estoit le cardinal de Vincestre, le conte de Hontiton, le conte de Sulfort et pluiseurs aultres, lesquelz venoient du royaulme d'Angleterre. Sy les acompaigna toute ladicte compaignie jusques en l'église Nostre-Dame, en la cité, là où lesdis cardinal et seigneurs d'Angleterre furent logiés. Et là, y eult de grans honneurs et révérences faictes; et puis s'en départirent. Le cardinal de Vincestre et le conte de Hontiton furent noblement acompaigniés de nobles barons, chevaliers et escuiers, moult richement et notablement habilliés et montés, jusques au nombre de cincq cens chevaulx, ou environ1.