CHAPITRE GXG

Du jugement d'armes qui se feit à Arras à l'occasion du débat entre messire Colart, dit Florimont de Brimeu, d'ung part; et messire David de Brimeu; son oncle, d'autre part, pour les armes de la banière et seignourie de Brimeu.

Or, fault parler du jugement d'armes qui se fist, le xiije jour d'aoust, en l'ostel du duc, par nobles cheva-

1 . M. P. et B. continuent ce chapitre par le récit du diner donné, le Ie1' septembre, par le duc de, Bourgogne, à Arras, et dont notre nis. parle, plus à. sa place, dans le chapitre suivant.

ii 21

liers et escuiers. Et fut la question telle que ung seigneur de Brirneu, chief des armes de Brimeu, lequel avoit ung frère maisné de luy, nommé Guillame, et n'avoit d'enfans que une fille, laquelle il maria à ung chevallier, nommé messire David de Poix, yssu de Poix, non obstant qu'il n'en estoit pas seigneur. Or, morut ledit seigneur de Brimeu, et demoura audit David toute la seignourie et terre de Brimeu, à cause de sa femme; et par ainsi, il en fut seigneur et prinst les armes et le nom de Brimeu , en délaissant celles de Poix, dont il estoit yssu. Sy est vray que Guillame de Brimeu, son second frère, à qui les armes debveroient1 appertenir, fut moult courrouchié de ce que ledit de Poix avoit prins les armes dessusdictes et l'en vault débattre. Mais, néantmoins, ledit de Poix ne les vault laissier; et luy, assailly de procès, s'en vault deffendre en telle manière que il convint que chevaliers et escuiers les appointassent. Sy fut considéré que ledit de Poix, qui avoit ladicte terre de Brimeu, estoit trop plus riche et puissant que ledit Guillame, en son temps chevalier, lequel estoit moult anchien et avoit v filz de bien josne eage. Se fut appointié, entre lesdictes parties, que, pour obvyer aux maulx et aux pertes que s'en pouroient ensuyr, que ledit de Poix les porteroit toute sa vie en battailles et faiz d'armes, là où il appertiendroit, tant en banières, pignons, comme en cottes d'armes, et ainsi les hoirs qui de luy ysteroient ; et ledit seigneur Guillame les porteroit en son séel, sa vie durant, et non aultrement; car il estoit si anchien que il estoit excusé de luy jamais armer; et,