débraient ». M. P

après sa mort, les débateist qui y sentroit avoir droit.

Or, yssi dudit de Poix ung fîlz qui pareillement les porta; et de ce fîlz ung aultre ; et tant que celle génération yssue de Poix joyrent et portèrent les armes l ans ou environ. Or, failly icelle lignie de père à fîlz, et la terre de Brimeu retournée à femme. Sy est ainsi que ledit Guillame de Brimeu, qui avoit cincq fîlz, comme dit est, trespassa, dont l'aisné de ses fîlz reprint lesdictes armes de Brimeu que son père avoit transportées, comme dit est; et se maria, et dudit mariage yssit ung filz nommé Colart, dit Florimont de Brimeu, en son temps chevalier. Or, vesquirent grans temps lesdis frères et ledit Florimont fîlz de l'aisné. Or trespassa ledit aisné frère, chief desdictes armes et père dudit Florimont; après la mort duquel, messire David de Brimeu, frère du père dudit Florimont1, et l'aisné après lors vivant, vault prendre les armes, et dist qu'elles luy appertenoient, comme à icelluy qui estoit venu plus prochain de l'estocq ; car il estoit fîlz dudit sire Guillame de Brimeu ; et ledit Florimont dist qu'il estoit fîlz du fîlz aisné dudit sire Guillame, et disoit qu'elles luy appertenoient mieulx, et, comme raison estoit, les devoit avoir. Et, surcespoinsdessusdis, entre ces deux chevaliers, oncle et nepveu, en fut envoyé à Paris, Amiens, et ailleurs, à pluiseurs clercz, maistres et licencyés es lois, et aultres seigneurs à ce congnoissans en parlement, pour en avoir leur conseil et advis.

S'en furent pluiseurs oppinions oyes, grans rolles et escriptures faictes, lesquelles furent leutes2 devant

1. Ce membre de phrase : « après la mort duquel, messire David « — dudit Florimond », qui est aussi dans M. P., a été omis par R. '1. ci lancées ». B.

les seigneurs, chevaliers et escuiers ad ce commis pour jugier, et présent pluiseurs roys d'armes et héraulx cy après déclarez. Et premièrement furent demandées, les oppinions desdis rois d'armes et héraulx, et par moy, portant les parolles de toute l'office d'armes, ainsi que par eulx ordonné m'estoit, fut dit que ledit Florimont fîlz de l'aisné frère, devoit succéder et avoir les armes plaines, comme son père et ses devanchiers les avoient eues et portées ; et que le transport que ledit messire Guillame de Brimeu avoit fait de ses armes audit de Poix, avoit esté de nulle valeur, et qu'il ne devoit porter préjudice au prochain des armes, c'est assavoir marie; car femme peult bien avoir la seignourie, mais les armes non. Et, se ne peult, par droit, homme nul vendre, transporter, ne aliéner ses armes, que elles ne voisent tousjours d'homme à aultre, et de degré en degré. Et, en oultre, que possession, tant soit de long terme, est de nulle valeur en armes, puisqu'elle seroit prinse indeuement.

L'oppinion de l'office d'armes proposée par ma bouche , le chancellier de Bourgoingne demanda aux chevaliers et escuiers leurs ad vis, lesquelz furent tous, excepté ung, de l'oppinion de l'office d'armes. Et, par ainsi, demeurent à messire Florimont les plaines armes de la seignourie et banière de Brimeu, et la terre à l'héritier1.

Or faut parler du disner que fist le duc, en son

1. Ici finit le texte du manuscrit de la bibliothèque de Paris (M. P.); et Buchon, pour continuer la chronique de Saint-Remy, dans son édition, a suivi une copie tirée, par le marquis Le Ver, de notre manuscrit.

hostcl, en la ville d'Arras. Vray est que, le premier jour de septembre, tint le duc estât et fîst ung moult noble disner, là où furent conviés les nobles seigneurs d'Angleterre, ambassadeurs, dont dessus est faicte mencion ; et y furent les estatz moult grans et honnourables. L'assiette de la grant table fut : l'archevesque de York, le cardinal de Vincestre, le duc, le duc de Gueldres, l'évesque de Liège, le duc de Vuillon, le conte de Sulfort, le conte de Hontiton ; et puis les nobles barons, chevaliers, et escuiers, aux aultres tables, de degré en degré. Gomme ilz furent servis, ne fault point demander , car le duc fut, en son vivant ' , ung trésor d'honneur ; et partant, je m'en passe d'en plus riens dire.

En icellui jour entra en ladicte ville d'Arras une grant ambassade envoyé par l'université et cité de Paris, où il y avoit de moult notables docteurs et clercz. Le vje duditmois de septembre, se partirent les dessusdictes ambassades, prélatz et nobles d'Angleterre, et s'en retournèrent en Angleterre sans riens besoingnier, ne pour trêves ne pour la paix, et sans donner espérance de y besoingnier; et très desplaisans s'en retournèrent, pour ce qu'ilz véoient que le duc estoit du tout enclin à faire paix. Et le merquedy vije dudit mois, la vielle2 Nostre-Dame, vint le conte de Gharrolloys , fîlz du duc ; et fut apporté , de Lens en Artois, en une littière, moult honnourablement et

1. Voilà un témoignage bien formulé, pour établir que S. écrivait sa chronique après la mort de Philippe le Bon.