la veille ». M. P

notablement acompaignié. Au devant de luy turent les ambassades de France et la noble chevalerie des pays du duc; et fu rechupt à grant joye. Or, est vray que l'endemain, jour de Nostre-Dame, en l'église de Saint- Vast, les cardinaulx de Saincte- Croix et de Cippre, ensemble les ambassadeurs de nostre saintpère, du saint concilie, et le duc, et aussi tous les princes et ambassades de France, de quelque part qu'ilz fussent, et mesmement tous les aultres princes, contes et barrons, chevaliers et escuiers, qui en la ville estoient , furent là assemblez ; et là fut chantée une belle messe par les chantres de la chappelle du duc. Et là fut consacrée très eureuse paix pour le royaulme de France, jurée par les princes et ambassade de France, pour et ou nom du roy, et par le bon duc, en pardonnant la mort de feu le duc, Jehan de Bourgongne, son père ; et aussi par tous les princes et aultres, contes, chevaliers et escuiers, qui là estoient; excepté de 1 messire Jehan de Luxembourg, conte de Ligney, ne le vault point jurer pour aucunes causes qui cy après seront dictes2. Laquelle paix est escripte bien au loing en ce présent livre.

Et, ce mesme jour Nostre-Dame, tint le duc ung moult grant et noble estât, là où il donna à disner aux seigneurs de France et à tous les aultres ducz et contes a ceste heure estant à Arras, et au cardinal de Gyppre. Et fut l'assiette telle qui s'ensuit : à la grant table,

1. de, est sans doute une faute; il faudrait que. M. P. porte : « excepté messire » ; mais alors la phrase demande le pronom relatif qui, après les mots conte de Ligney.

•2. On ne les trouve pas dans ce qui reste de notre ms.

Farchevesque de Rains, chaneellier et per de France ; le cardinal de Cippre. Après, estoit le duc; et puis le duc de Bourbon ; le conte de Richemont, connestable de France ; le conte de Vendosme et Cristofle de Harcourt. L'assiette de la petite table, qui estoit en la salle que on dist la Grant Chambre, fu de l'évesque de Liège, le duc de Gueldres, le conte de Meurs, et le seigneur de la Faïette, maressal de France.