Rymer et R. ont : « en

sault, et le chasteau rendue par composition. Comment le corps de feu le duc de Bourgongne fut porté et enterré aux Chartreux, à Digeon en Bourgoingne; et comment le daulphin print la ville de Saint-Esprit sur la Rhosne et pluiseurs attitrés forteresses en Languedoc.

Vous avez oy comment les roys de France et d'Angleterre, et le duc de Bourgoingne, avoient juré paix finalie , et aussi l'avoient juré les princes , gens d'église, chevaliers et escuiers, et aultres qui là estoient. Et, avec ce, fut ordonné d'envoyer gens notables par les bonnes villes, pour faire jurer icelle paix ; dont pluiseurs des terres et seignouries du duc furent moult desplaisans. Et, de fait, failly que le duc le commandast et mandast à pluiseurs de ses subgetz et amis qui le séremcntne vouloient faire. Entre lesquelz, Loys de Luxembourg, qui depuis fut cardinal de Rouen, et messire Jehan de Luxembourg, son frère, ne le vouloient faire; mais le duc leur commanda qu'ilz ne1 feissent. Auquel ilz respondirent que, puisque c'estoit son plaisir, ilz le feroient ; mais ilz le tenroient jusques à la mort; et aussi fîrent-ilz, comme cy après sera dit.

Après tous les traictiés dessus déclairez et acomplis, aussi la solempnité des nœpces parfaictes , comme dit est, se partirent les roys, les roynes, et le duc, avec toute leur puissance, de Troyes. Si tirèrent vers Sens en Bourgoingne que occupoient les gens du daulphin ; et, là eulx venus, fut icelle ville asségée, où ilz furent

1. « qu'ilz le feissent ». C'est une correction de L., mais la négative a pu entrer, par ellipse, dans la pensée du chroniqueur.

environ xij jours. Mais, ceulx de la ville qui n'avoient espérance nulle de secours, le rendirent en l'obéyssance du roy, par condicion que les gens d'armes s'en iroient, saulfz corps et biens, réservez ceulx qui seroient trouvez coulpables de la mort du duc Jehan de Bourgoingne, s'aucuns en y avoit. Après icelle ville prinseet mis en l'obéyssance du roy, se partirent les roys et duc pour aller vers Montereau ; et, à l'entrée du nioys de juing, mirent le siège tout à l'environ de la ville et chastel de Montereau, où ilz furent bonne espasse de temps.

Dedens icelle ville estoit capitaine, pour le daulphin, le seigneur de Guitry, à compaignie de iiij à vc combattans, lesquelz bien et vaillamment se deffendirent. Mais, peu leur prouffita ; car, le jour saint Jehan Baptiste ensuivant, aucuns Anglois et Bourguignons, sans ordonnance ne commandement, s'esmeurent soudainement, et tous ensemble allèrent assaillir en pluiseurs lieux icelle ville, et tant continuèrent que ilz entrèrent dedens; et, eulx dedens, allèrent vers le chastel où se retrayrent la plus grant partie des Daulphinois qui moult vigoureusement furent poursuys et rebouttez dedens le chastel ; dont les aucuns furent si près hastelz 1 qu'ilz chéirent en l'eaue, et là furent noyez.

Après, se logèrent, Anglois et Bourguignons, dedens la ville devant le pont du chastel : et allèrent les gens du duc, par l'advertissement d'aucunes femmes, au lieu où estoit enterré le duc Jehan de Bourgoingne ; et présentement mirent sur sa tombe ung drap d'église

1. On lit, dans M. de l'édition Buchon : « de si près hastez » ; et dans celle de la Soc. de l'hist. de Fr. : « suivis de si près ».

et allumèrent, à chascun boult de ladicte tombe , ung chierge. Et l'endemain, par le duc, filz d'icellui trespassé, turent envoyez pluiseurs notables chevaliers et escuiers de son hostel, pour le faire desterrer; lesquelz le firent mectre hors de terre. Mais, à la vérité, c'estoit piteuse chose à le veoir; et avoit encoires son pourpoint, ses houseaulx, sa barrette en son chief ; et ainsi avoit esté mis en terre, et, en vérité, là n'avoit homme qui se peusist tenir de plourer. Et, en tel estât, fut mis en ung sarcul de ploncq garny de sel et d'épices, et, de là, porté en Bourgoingne enterrer en l'église des chartrois l de Dijon ; laquelle avoit fait fonder le duc Phelippe, son père ; et là fut mis auprès de luy, par l'ordonnance du duc, son filz. En icelle fosse, dont il fut tiré, fut mis dedens messire Butor, bastart de Groy, qui, à l'assault et prinse de la ville, fut tué.

Après la prinse de Monstreau, le roy d'Angleterre et le duc deslogèrent dont ilz estoient; et, par ung pont que ilz avoient nouvellement fait faire sur la rivière de Saine, allèrent logier entre deux rivières ; c'est assavoir entre Saine et Yonne, et de tous costez, approchèrent la forteresses et firent dreschier pluiseurs engiens pour icelle abbattre.

Or, est vray que le roy d'Angleterre avoit pluiseurs prisonniers, lesquelz avoient esté prins à l'assault de la ville; ausquelz il fist dire que il les feroit tous pendre, se ilz ne trouvoient la manière que le chastel se rendeist à luy. Sy fut ad visé que, iceulx prisonniers à sceurté, on les feroit parler à leur capitaine et