CHAPITRE CXVIII

Comment le duc de Clarence fut occis des Daulphinois aveucques la fleure de la chevalerie d'Engleterre, à la bataille de Baugé ou pays d'Anjou; et du mariage [du duc] oV Alenchon à la seulle fille du duc d'Orléans.

Le jour de Pasques mil iiijc xxj, le duc de Clarence, capitaine général de toute Normendie, après le partement du roy d'Angleterre, son frère, avoit mené son ost devers le pays d'Anjou où estoient assemblez en très grant nombre les Daulphinois; c'est assavoir, le comte de Bokem, connestable des Daulphinois, et le seigneur de La Faïette, capitaine, avecpluiseurs aultres capitaines, pour iceulx combattre et subjugier. Advint que, ce jour, le duc de Clarence oyt certaines nouvelles que ses ennemis estoient assez près, en une ville nommée Baugé { en Anjou. Et pourtant ledit duc de Clarence, qui moult estoit renommez en armes, prist sans délay une partie de ses gens et par espécial à peu près toutes les capitaines, et moult asprement alla envayr ses ennemis ; et commencèrent aspre et dure

1. Notre ms. a Vaugy en Danjou, et plus bas, page suiv., n. 2, Blangy ; mais sur ce dernier nom, il y a en marge, de l'écriture du temps, la rectification : « Baugé en Anjou », qui se trouve, du reste, déjà dans le sommaire du chapitre; ce qui ferait assez supposer que le texte et les sommaires sont de différentes mains.

bataille où moult y eult de mors et de navrez. Et, entretant, le grant trouble ! de son ost sieuvoit de loing, à très grant peine et dangier, pour le mauvais pas d'une rivière qu'ilz avoient à passer.

Les Daulphinois, qui estoient advertis de la venue de leurs ennemis, commencèrent à combattre moult asprement ; et d'aultre part les Anglois, qui pas n'estoient si grant nombre, se deffendoient très vigoreusement, espérans estre secourus par leurs gens qui à force venoient. Mais, le pas qu'ilz avoient à passer est oit moult difficille, qui les retarda, et ne peurent venir à temps; car les Daulphinois sachans leurs venues pour secourir les Anglois, se hastèrent de combattre le duc de Glarence. Sy commença la bataille des deux parties moult aspre et dure. Mais les Daulphinois estoient deux contre ung Anglois ; et eulrent les Daulphinois la victoire; et furent mors sur la place le duc de Clarence, le duc de Kint, le seigneur de Ros, mareschal d'Angleterre, et généralement la fleur de la chevalerie d'Angleterre, et de ij à iijm combattans, que mors que prins, et pluiseurs aultres. Et fut nommée icelle bataille, la bataille de Baugé2. Pour la mort et desconfîture desquelz Anglois, les aultres Anglois qui estoient en France furent moult desplaisans, et, par espécial, de la mort du duc de Clarence: car moult estoit amé pour sa prudence et vaillance. Et mesmement aucuns Daulphinois, ses ennemis, furent courrouchiés de sa mort ; car la bonté et humilité de luy constraingnoit ceulx qui l'avoient veu à icelluy amer.