tourbe ». M. et W

2. « Blangy » dans notre ms. Voir la note de la page précédente.

Et pour parler de ceulx qui sieuvoient le duc de Clarence à grant force, cuidans venir à temps, dont estoit chief le conte de Salebry, lequel fit tant par sa vaillance qu'il démolira le maistre sur la place et prist le corps du duc de Clarence et pluiseurs aultres qui là estoient, et aussi rescoult-il pluiseurs prisonniers. Et, qu'il soit vray, l'en disoit que, se le duc de Clarence eust actendu ses gens, que il n'avoit garde des Daulphinois. Mais désiroit la bataille pour ce qu'il n'avoit point esté à celle d'Agincourt, que jamais n'y cuidoit venir à temps. Son corps fut très noblement porté en Angleterre, et n'est point à croire les regretz que, pour sa mort, le roy d'Angleterre et les princes du pays firent pour luy; et aussi le commun de Londres et aultres qui le congnoissoient. Pour laquelle mort le roy d'Angleterre hasta son armée pour passer en France.

En ce temps fut traictié et parfaict le mariage du duc d'Allenchon et de la seulle fille de Charles, duc d'Orléans, lors prisonnier en Angleterre; et se firent les nopces moult grandes et solempnelles en la ville de Blois. Duquel mariage faire et traictier furent les principaulx, le daulphin à qui elle estoit niepce, et le duc de Bretaingne, oncle du duc d'Allenchon.