CHAPITRE CXIX

Comment le roy oV Angleterre descendist à Calais , à grosse année, et tir a ver s Chartres, caydant combattre le daulphin, qui Vavoit asségié ; et de la grande

famine qui estoit à Paris, et entre Saine et Loire, Brie et Champaingne.

Le roy d'Angleterre, qui en ce temps estoit en Angleterre, et qui avoit ouy les nouvelles de la mort de son frère et de la grant perte que il avoit faicte, fut grandement troublez. Et pourtant que desjà avoit fait ses préparacions pour retourner en France, quant son armée fut preste et paye pour viij mois, lui et toutes ses gens entrèrent en mer et arrivèrent à Calais, le jour Saint-Barnabe1. Et, tantost après les vassaulx deschargiés furent renvoyés en Angleterre ; et, comme l'en disoit, estoient descendus de iij à iiij"1 hommes d'armes et bien xxiiij"1 archiers. Et l'endemain envoya le conte d'Orset et le seigneur de Cliffort, pour aller à Paris, devers son oncle, le duc d'Excestre qui, pour lors, estoit moult court tenus de vivres, pour les Daulphinois qui tenoient garnisons en pluiseurs lieux autour de Paris. Les deux seigneurs estoient acompaigniés de xijc combattans, qui grant dilligence firent de chevauchier jusques à Paris, où ilz furent joyeusement receus, tant pour leur venue, comme pour les nouvelles de la descente du roy d'Angleterre, auquel les Parisiens avoient grant fiance.

Or, advint que le roy, après qu'il ot ordonné ses besoingnes à Calais, se party à grant dilligence et se tira vers la ville de Chartres, laquelle estoit asségie des Daulphinois, et print son chemin par Monstreuil, et, là, trouva le duc qui estoit allé allencontre de luy ;

1. D'après Monstrelet, Wavrin et Chastellain, ce serait la veille de ce jour (10 juin).

puis partirent ensemble en tirant leur droit chemin à Abbeville ou ilz se logèrent; et, l'endemain1, prit le duc congié de luy et retourna en son pays d'Artois ; et le roy d'Angleterre tyra son chemin à Beauvais et à Gisors ; et là, luy fut dit que le daulphin tenoit son siège devant la ville de Chartres, à grant puissance, et avoit voulenté de luy livrer battaille, et que devant la ville de Chartres il l'attenderoit.

Quant le roy d'Angleterre sceult ces nouvelles, il envoya en très grant dilligence quérir le duc, affin que il fuist à la battaille avec luy. Leduc, qui moult désiroit à estre à la battaille contre cellui qui avoit fait occhir son père, comme l'en disoit, se party dilligamment de la villes d'Arras, et manda gens de toutes pars, pour aller après le roy d'Angleterre; mais, sans actendre ses gens, prist toujours son chemin envers Gisors. Le roy d'Angleterre estoit passé oultre et estoit logié à Melun, et là attendoit le duc.

1. Quel est ce lendemain? Ce ne peut être celui du jour où le roi d'Angleterre et le duc de Bourgogne étaient partis de Montreuil pour Abbeville. Ils restèrent plus longtemps ensemble, comme on peut le lire dans Monstrelet en cet endroit, avant de se quitter à Abbeville, le duc pour retourner en Artois, le roi pour continuer sur Gisors. Le texte de Saint-Remy doit donc avoir ici une lacune ou un raccordement fautif, si l'auteur a voulu supprimer ce qui est intermédiaire dans Monstrelet. Je vois, au surplus, par des lettres du duc données à Aire le 28 juin, qu'à cette date il était de retour dans son pays d'Artois, après avoir passé vraisemblablement par Montreuil, où il venait de donner d'autres lettres, le 25. Ces lettres se rapportent à quatre arbalétriers et deux pavoiseurs que la ville d'Aire s'était engagée à lui envoyer pour le service de son armée et à entretenir à ses propres dépens durant deux mois. Elles sont conservées en original dans ses anciennes archives.

Or, est vray que le roy d'Angleterre et le duc furent concluds et délibérez d'aller combattre le daulphin et aller lever le siège de Chartres. Mais, ilz oyrent nouvelles que le daulphin avoit levez son siège et s'en tiroit vers la cité d'Orléans. Les vrayes nouvelles sceues, le duc print congié du roy d'Angleterre et retourna en Picardie; et le roy d'Angleterre passa oultre, en tirant après le daulphin. En ce voyage que le roy d'Angleterre fîst, il eult, luy et ses gens, si grant faulte de vivres que la famine totalle se print en son ost, et avec ce une grant maladie dont il perdy beaucop de ses gens.

Après que le roy d'Angleterre eult poursieuvy le daulphin, il s'en retourna à Paris où il fut grandement receu ; mais, à la vérité, la famine estoit si grande es pays entre Saine, Loire, Brie et Ghampaingne, et mesmement dedens Paris, qu'il fut trouvé femme morte de fain, son enfant vif tenant encoires la mamelle de sa mère, y cuidant trouver substance ; et aultres povres si très opressés de fain que, quant aucuneffois on leur donnoit quelque peu à mengier, ilz disoient : « Donnés « à ung aultre, car je n'en mangeray jamais. » Et grant pitié estoit d'icelle famine.