Monstrelet dit : « le xxix

tyrant vers le passage de La Blanche Tacque où passe la rivière de Somme. Aucuns de leurs gens furent prins, par lesquelz la vérité de leur intencion fut sceue; laquelle chose fut sceue tantost et signifiée au duc, qui de nouvel estoit arivé à Abbeville.

Ces nouvelles ouyes , le duc party en grant liesse , affin qu'il peust trouver ses ennemis avant qu'ilz fussent passez1 la rivière de Somme. Les Daulphinois, qui bien avoient percheu les Bourguignons qui les poursievoient, firent grant dilligence d'estre devant au passage de La Blanche Tacque, pour là passer et eulx joindre avec messire Jacques de Harcourt qui, de l'autre costé de la rivière, estoit à tout une belle compaignie tant de ses gens que de ceulx qui dedens Saint-Ricquier2 avoient esté asségies. Mais, quant les Daulphinois vindrent au passage, la mer venoit et estoit desjà si haulte que ilz ne peurent passer oultre ladicte rivière, excepté le vaillant escuyer Poton de Saint Trailles (qui depuis, fut mareschal de France3), qui prent l'aventure de passer la rivière de Somme, et se joingny avec la puissance qui du costé du pays de Vimeu estoit.

Quant les Daulphinois veirent que impossible estoit de passer la rivière , ilz se tindrent arrière et se conclurent de combattre le duc. Leur battaille fut ordonnée par telle façon qu'ilz mirent les mieulx armés et montez ou milieu de la battaille. Et se povoient trouver de xv à xvjc lances. Après leurs ordonnances faictes

1. « la Blanche Tache à la rivière de Somme ». M. P. et L. *?. « estoient, quant avoit estez assegié ». M. P. et L. 3. En 1454.

et qu'ilz perchurent le duc et ses ensaignes, ilz firent des chevaliers nouveaulx.

Or, fault parler du duc, lequel quant vit ses ennemis en ordonnance, ordonna ses battailles. En laquelle bataille estoit le vaillant chevalier messire Jehan de Luxembourg, les seigneurs d'Anthoing, de Croy et grant noblesse des pays de Flandres, d'Artois, Picardie et Haynnau. Il fist deux elles de environ vjxx lances, dont de l'une estoit conducteur le seigneur de Saveuses, et de l'autre Le Bastart de Coussy. lcelles ordonnances faictes, et véans ses ennemis approchier et prestz pour combattre, requist à messire Jehan de Luxembourg l'ordre de chevalerie ; et, après qu'il fut fait chevalier, il en fist pluiseurs de sa main.

Ne demoura guaires que les Daulphinois et Bourguignons assemblèrent et abordèrent ensemble. Les Daulphinois, comme dist est, avoient mis les mieulx montés et armés au milieu de leur bataille, et en pointte. Sy se frappèrent en la battaille du duc et rompirent sa battaille et passèrent oultre. Mais les deux elles, que gouvernoient les seigneurs de Saveuses et Le Bastart de Coussy, se rejoingnèrent avec la battaille du duc; et, depuis, la bataille et les esles se gouvernèrent sy sagement et vaillamment que de tous point ilz defïirent1 les Daulphinois; et, promptement que les aucuns des Daulphinois chéoient à terre, les archiers les tuoyent. Lors se prinrent Daulphinois à fuyr, et les Bourguignons très vaillamment les chassoient et prenoient prisonniers. Et mesmement le duc très chevaleuresement s'i gouverna, et de fait prinst