CHAPITRE CXXI

Comment le roy d'Engleterre assiéga la ville de Meaulx en Brie. Des saillies que les assiégiés feirent; de la monnoye qui fut rabaisées, les salus forgiés pour xxv\

Assés advez ouy comment par cidevant le roy d'Angleterre et le duc et leurs puissances se tirèrent vers Chartres, cuidant y trouver le daulphin; et comment le roy d'Angleterre donna congié au duc de retourner en ses pays de Flandres et Picardie; aussi comment le roy d'Engleterre retourna à Paris où il trouva le roy et la royne au Bois de Vincennes où il fut d'eulx receu à grant joye. Et là, avant qu'il parteist de Paris, fist pluiseurs ordonnances tant sur les monnoies nommé flourectes, qui se alouoient pour xvj deniers, que le roy d'Angleterre fist mectre à quatre deniers, pour ce qu'ilz estoient de mauvaix aloy.

Ces choses faictes, le roy d'Angleterre assembla grant puissance de gens pour aller mectre le siège devant la ville de Meaulx en Brie, assise sur la rivière de Marne; et ordonna le duc d'Excestre, son oncle, à tout iiijm combattans, et l'envoya prendre les faubours de ladicte ville de Meaulx en Brye, afïin que ceulx qui dedens la ville estoient n'y boutassent le feu. Et,

tantost après que le roy d'Angleterre ot apresté toutes ses besoingnes, il se party, à toute sa puissance nombrée à xxm combattans ; et, le vje jour d'octobre, se loga toute à l'environ de la ville et marchié de Meaulx ; et, en brief jour, fist fermer son ost de hayes et de fossez, affin que de ses ennemis ne fust surprins, ne aussi que ceulx de dedens la ville ne peussent yssir. Le roy d'Angleterre fist drescliier cannons, bombardes et engiens pour battre portes et murailles; et, avec ce, fist faire de belles approches; et belle chose estoit à veoir son siège. De par le daulphin estoient dedens la ville Le Bastart de Waurus ; Denis de Waurus, son frère ; Pièron de Luppé; messire Phelippe Malet; messire Loys Gast, et Le Borgne de Caussy, et aultres jusques à mil combatans, vaillans hommes et esprouvés en armes, sans les bourgois et communaulté de la ville. Maintes belles saillies furent faictes durant le siège qui assez longhement dura, comme vous orez.

Pendant icelluy siège , fut ordonné à Paris , par le conseil du roy, que la monnoye nommé flourettes, qui de xvj deniers avoient esté mise à quatre deniers, furent1 de rechief diminuées et mises à deux deniers; et l'escu d'or, qui avoit couru à ix2 frans, fu mis à xviij sols parisis3. Pour lesquelles mutacions de monnoyes furent pluiseurs gens fort troublez. Et pour avoir provision d'autres monnoies nouvelles qui fût de valeur, furent forgiés salus d'or qui eulrent courre pour xxv