seroient ». M

2. « pour dix francs ». M.D.D. — « pour dix neuf sols ». M.B.

3. Notre ms. a eu note : « xviij s. parisis font xxij s. vj d. tournois. »

sols tournois la pièce. En icelle monnoye avoit deux escus, l'un de France et l'autre d'Angleterre. Et au regard de la blanche monnoye on forga doubles qui eulrent cours pour deux deniers tournois : et depuis furent nommés nicques, et régnirent environ trois ans tant seulement. Je lairay à parler des choses dessus dictes, et parleray d'une rencontre qui fut faicte entre messire Jacques de Harcourt et aucuns Anglois.

En ce mesme temps messire Jacques de Harcourt, capitaine de Crotoy, chevauchoit parmy le pays de Vimeu, en sa compaignie de vj à vijc combatans. Il fut rencontré d' Anglois qui d'aventure s'estoient rassemblez des villes de Neuf Ghastel, d'Arqués et d'aultres lieux pour aller quérir leur adventure sur leurs ennemis ; ausquelz il eult très aspre rencontre ; et vaillamment se combattirent les deux parties. Mais, en conclusion les Anglois obtindrent la victoire, et perdit, le dit messire Jacque de Harcourt, de iij à iiijcl de ses hommes tant mors que prins; mais, au regart de sa personne, il se saulva. A icelle rencontre le seigneur de Verdusen, qui lors estoit capitaine de Saint-Vallery sur Somme, y fut prins.

Après ceste besoingne les Anglois très joyeulx de leur bonne fortune retournèrent en leurs propres lieulx; et si enmenérent avec eulx grant planté de prisonniers qui depuis furent délivrez par grans raenchons et finances, comme en tel cas est acoustumé de faire.