CHAPITRE CXXIII
De V emprise du seigneur cV Ojfemont pour entrer en la ville de Meaulx, en laquelle fut prins; et comment ceulx de Meaulx se retirèrent au marchié, en abandonnant la ville qui des Anglois fut prime.
Durant icelluy siège, le seigneur d'Offemont assembla environ xl combattans des plus renommés et espers en fait de guerre que il peult finer, et les mena devers Meaulx, sur intention de les mener audit Meaulx et d'entrer secrètement dedens icelle ville, pour aidier et conforter les asségiés, qui pluiseurs foiz l'avoient mandez pour estre capitaine de la ville. Lesquelz sachans sa venue estoient préparez de le recevoir, et avoient, sur ung soir, mis une eschielle sur leurs murs par dehors, par où il devoit monter. Et, lors, au jour assigné, vint ledit seigneur d'Offemont pour acomplir son entreprinse ; et de fait vint jusques aux fossez de ladicte ville. Et commencèrent ses gens à monter dedens par l'eschielle dessusdicte; mais, lui qui alloit tout derrière pour les bouter avant, en passant sur une vièse planche , chéy , armés de plain harnas , es fossez et ne pot de là estre tyré de ses gens, non obstant que ilz luy baillèrent deux lances , lesquelles luy demourèrent es mains. Et entretant, ceulx de u 4
l'ost, qui oyrent la murmure, vindrent sur eulx à grant puissance et le prindrent. Sy fut ledit seigneur d'Offemont menez devers le roy d'Angleterre, et le examina sur pluiseurs propos et fist mectre en bonne garde.
De ceste adventure furent ceulx de dedens la ville fort troublez ; et doubtans que, auloing aller, nepeuissent garder la ville et le marchié , firent retraire aucuns des biens de ladicte ville ou marchié. Laquelle chose appercheue par ceulx du siège, se esmeurent soudainement et allèrent assaillir ladicte ville; et de tous costés commença l'assault si dur et si estoré que en brief fut la ville gaingnie, sans ce que lesdis assaillans y feissent grant perte. Et se retrayrent les asségiés, à tout partie de leurs biens, dedens le marchié. Dedens la ville se loga le roy d'Angleterre; et brief ensuivant gaingna une petite isle d'emprès le marchié, en laquelle il fist asserir pluiseurs gros engiens qui moult terriblement battoient les maisons et murailles d'icellui marchié; et par ces moyens furent les asségiés fort constraint et mis en grant nécessité ; et si n'avoient nulle espérance d'estre secourus du daulphin, leur seigneur, pour ce que les jours estoient passez que ilz dévoient avoir secours. Et de rechief, en continuant de mal en pis, furent prins par les Anglois les molins dudit marchié ; parquoy ilz furent en grant nécessitez de avoir leurs blez mollus.
