CHAPITRE CXXIV

Comment le roy d'Angleterre feit sommer ceulx qui estoient en Meaulx, lesqueh se rendirent audit roy

par traictié; et comment pluiseurs villes et forteresses furent rendues par les Daulphinois au roy d'Angleterre.

En ce temps se faisoient maulx pluiseurs au royaulme de France, tant de la partie des Daulphinois comme des Angloiz et Bourguignons, qui ne cessoient de prendre villes et forteresses et icelles démolir et abattre. Que vous diroye-je? Pluiseurs villes et forteresses, durant le siège de Meaulx, en brief furent prinses et abbattues d'un costé et d'aultre ou royaulme de France. Et qui tout vouldroit et sauroit bien au loing mectre par escript, il auroit trop affaire. Et pour tant je m'en passe et retourneray à parler du siège de Meaulx.

Vous advez ouy comment le roy d'Angleterre avoit mis son siège devant le marchié [de ceulx] de Meaulx, et les constraint par telle manière que grant partie de leurs murs estoient abatus et desrompus en divers lieulx. Sy les fîst, un jour, sommer que ilz se rendeissent; à quoy ilz ne vauldrent obéir et dirent qu'il n'estoit pas encoires heure de eulx rendre. Et quant le roy d'Angleterre ot oy leur responce , sans à eulx plus parler, fist commenchier l'assault très puissamment, lequel dura de vij à viij heures; et se deffendirent les asségiés moult vaillamment et combattirent tant qu'ils n'avoient plus nulles lances qui toutes ne fuissent rompues à eulx deffendre. Mais, ou lieu de lances, combatirent longuement1 de hastiors de fer; et tant continuèrent que pour ceste foiz