longue espasse ». M. P. et L

ilz reboutèrent les Anglois hors de leurs fossez.

Pluiseurs injures, tant de nuyt comme de jour, durant ledit siège, dirent ceulx de dedens et parolles villaines aux Anglois. Entre les aultres choses, mirent sus les murs ung asne lequel ilz couronnèrent en eulx mocquant des Anglois, en disant que c'estoit leur roy et que ilz le allaissent rescourre. Pourquoy le roy d'Angleterre, avec pluiseurs aultres choses, fut moult indigné sur eulx. Et aussi devant icelle ville fut tué d'un canon ung josne chevalier, filz du seigneur de Gornuaille, qui estoit cousin prochain du roy d'Angleterre; laquelle mort luy vint à grant desplaisir.

En la fin d'avril, ceulx de Meaulx commencèrent à parlamenter et pour avoir traictié ; et furent, de par le roy d'Angleterre, commis son oncle, le duc d'Excestre, les contes de Wervic, de Gonversan et messire Gauttier de Hongreffault ; et, de la partie des asségiés, messire Phelippe Mallet, Pièron de Luppé, Jehan d'Aunay, Sinador de Jérames, Le Borgne de Gauchy et pluiseurs aultres. Lesquelles parties convindrent ensemble par pluiseurs foiz ; et en fin vindrent en conclusion par la manière cy après déclarée :

« Premièrement, fut ordonné que le marchié de « Meaulx seroit, le xu jour de may, rendu et délivré « es mains des roys de France et d'Angleterre.

« Item, seroient rendus, en leurs voulentez, messire « Loys Gast, Le Bastart de Vaurus, Jehan de Bom- « béres, Tromagon, Bernart de Meureville, et ung qui « avoit buisiné d'un cornet durant le siège, nommé « Orases; et seroient mis en justice, laquelle leur « seroit faicte et administrée.

« Item, Guérat de Gissé, Pièron de Luppé, Phelippe

« de Gamaches, Jehan d'Aunay démoliront en la vo- « lente des deux rois jusques à tant que ilz auront « rendu ou fait rendre toutes les forteresses que eulx « et leur commis tenoient au royaulme; et, après « ce que ilz les auront rendues, ilz auront les vies « saulves.

« Item, tous les aultres, tant gens d'armes comme « habitans et bourgois, demouront en la voulenté des « deux roys, saulves leurs vies.

« Item, que le conte de Gonversan demoura quicte « envers Pièron de Luppé, ou aultres, à qui il peult « touchier, de sa finance ; et luy promecteront de l'en « tenir quicte à tousjours, sans fraulde et mal engien.

« Item, en dedens les [huit] jours que la reddicion « se doit faire, ceulx de dedens mecteront tous leurs « biens généralement en certain lieu où ilz puissent « venir , à plain , à la congnoissance des commis des « dessusdis roys.

« Item, renderont quictes tous les prisonniers que « ilz tiennent, tant oudit marchié comme es forteresses « et lieux à eulx obéyssans, et les quicteront de leur « foy.

« Item, après tous les articles dessusdis accordez et « acomplis et pluiseurs aultres, par les deux parties, « demouront en estât jusques au xe jour dudit mois « de may que les Daulphinois feront ouverture aux « commis des roys de France et d'Angleterre, et leur « délivreront, par la manière qui a esté traictie, le « marchié de Meaulx et toutes aultres choses1. »

1. Le traité de Meaux est du 2 mai 1422. Monstrelet, Wavrin et Ghastellain en donnent, en 13 articles, un texte qui peut passer

Lesquelz commis envoyèrent tantost tous les prisonniers soubz bonne garde où ordonné leur estoit; dont les plus principaulx furent menez par eaue à Rouen, et de là en Angleterre; et si en y ot une partie menez à Paris, emprisonnez en pluiseurs lieulx; et povoient les gens de guerre estre de vij à viijc. Le Bastart de Vaurus, leur capitaine général, fut décollés par le commandement du roy d'Angleterre, et son corps pendu à ung arbre, au dehors [de Meaulx] , que on nommoit l'orme Vaurus, pour ce que Le Bastart y avoit en son temps fait pendre pluiseurs Anglois et Bourguignons, quant il les povoit tenir, en disant : « Menez -les à mon arbre; » et pour ce estoit ledit arbre ainsi nommez. Et, avec ce, fut sa teste mise sur le bout de son estandart et atachie à l'arbre dessus dit. Messire Loys Gast, Denis de Vaurus, maistre Jehan de Rombéres et cellui qui avoit sonné le cornet l, en soy trouffant des Anglois , furent décapitez à Paris , leurs testes mises sur lances, et leurs corps pendus au gibet ; et tous les biens qui estoient oudit marchié de Meaulx, distribuez du tout au plaisir du roy d'Angle-

pour semblable, si l'on n'y regarde pas, comme des différences, la réunion de certains articles et la division de certains autres, ainsi que la transformation du dernier en une relation de faits accomplis, lorsqu'il ne fait que stipuler les conditions de leur futur accomplissement. Saint-Rcmy a conservé au même article son sens régulier et son vrai caractère; mais il en a supprimé cinq qui sont les 4e, 8e, 10e, 11" et 12e; on peut remarquer dans son article final, où il parle de plusieurs autres, qu'il le reconnaît lui-même. Le recueil de Rymer contient le traité, en langue anglaise, avec plus d'étendue que dans nos chroniqueurs français, et sous forme authentique.

1. « qui avoit servi le Roy ». M.D.D. — Tous les autres textes sont conformes aux nôtres.

terre. Puis, en noble arroy, entra oudit marchié et y séjourna aucuns jours; et là ordonna de réédiffier les portes, tours et murailles de la dicte ville de Meaulx.

Après la reddicion de Meaulx, furent mises en l'obéissance du roy d'Angleterre pluiseurs villes et forteresses, tant en la conté de Vallois comme es pays à l'environ, par le moyen du seigneur d'Offemont, desoubz lequel elles estoient obéissans. Et avec ce fut son corps mis à délivrance, par condicion qu'il jureroit la paix finale derrenièrement fait à Troyes entre les deux roys; et, pour ce entretenir, bailla plesges souffissans; c'est assavoir, l'évesque de Noyon et le seigneur de Chauny , lesquelz pour sceurté obligèrent corps et biens.

Quant les capitaines tenans le party du daulphin, es marches de Beauvaisis, virent et oyrent comment le roy d'Angleterre prenoit et gaingnoit villes et forteresses imprenables, eulrent si grant doubte que, brief ensuyant, envoyèrent devers le roy d'Angleterre leurs ambassades, pour traictier avec luy, en dedens certains jours, ou cas que le daulphin ne les secouroit au jour que dit seroit. Entre lesquelz, traicta le seigneur de Gamaches pour la ville de Gompiègne dont il estoit capitaine, et bailla ostaige de le rendre, le xviije jour de juing, en la main du roy. En ce cas pareil traictèrent messire Loys de Thienbronne pour la ville de Gamaches, et pluiseurs aultres villes et forteresses. Avec ce, par le pourchas de Pierron de Luppé, fut rendue la forteresse de Montagu, laquelle tenoit grans pays en subgection, par sa force, et avoit fait de grans maulx et dommages aux villes de Rains et Laon et es pays d'environ. D'aultre part, ceulx qui tenoient le chastel de

56 CHRONIQUE DE JEAN LE FÉVRE f 1 422]

Mov en Lannois, doubtans que messire Jehan de Luxembourg et les Anglois ne les allassent asségier; soudainement boutèrent le feu dedens le chastel, et s'en allèrent à Guise. Et pareillement ardirent et destruysirent les chasteaulx de Montescourt et de Brassy.