tant de biens, assavoir d'or ». M. P. et L

2. Ici finit la partie de la Chronique de Saint-Remy éditée par Le Laboureur à la suite de son Histoire de Charles VI.

régent et le{] duc de Bretaingne; et de pluiseurs places prinses par ledit régent.

Environ Quasimodo , l'an mil iiijc xxiij , s'assemblèrent en la ville d'Amiens le régent de France, les ducz de Bourgoingne et de Bretaingne, et firent aliances ensemble , dont lettres furent faictes et séellées de leurs seaulx et signées de leurs mains. Et oultre, furent traictiés les mariages d'icellui régent et de madame Anne de Bourgoingne, seur du duc; et de Artus de Bretaingne et de madame Marguerite de Bourgoingne, seur dudit duc.

Lesdictes lettres contenoient que, pour le bien du royaulme de France et d'Angleterre, de leurs pays et subgetz, ilz ont promis et juré, l'un à l'aultre, de vivre en bonne amour, comme frères, parens et bons amis, et de garder et deffendre l'onneur d'eulx deux, ehascun l'un pour l'autre, sans fiction ne couverture ; et de advertir, l'un l'autre, de ce qui viendra à congnoissance touchant l'onneur ou le dommage de l'un l'autre ; et, contre ceulx qui vouldroient l'un d'eux nuyre ou grever, faire ayde de vc hommes d'armes, ehascun d'eulx , ou de gens de traict à l'advenant, et par telle manière que cellui qui fera ladicte ayde de gens d'armes sera tenu de payer ses gens pour le premier moys et non plus.

Puis promirent, tous ensemble, d'eulx employer au reliefvement du povre peuple par toutes les meilleurs voyes que on pourra regarder, et déboutter la guerre hors du royaulme et le mectre en bonne paix.

1. Ce que le scribe a omis ici se trouve dans le sommaire de la table des chapitres, et dans M. P.

Ces choses furent faictes1 et promises et jurées entre eulx à tenir et maintenir, sans enfraindre, tout le cours de leurs vies, et de chascun d'eulx : et, les dictes lectres sur ce faictes le xvije jour d'apvril l'an mil iiijc et xxiij, séellées et signées dudit régent, ducz de Bourgoingne et de Bretaingne2, ledit duc de Bretaingne reçeut, à Amiens, que3 le régent luy fist délivrer pour ses despens, vjm escus pour s'en retourner en son pays de Bretaingne; et le duc, avec luy, Artus, conte de Richemont, s'en alla en son pays. Et le régent s'en alla à Troyes où lui fut amenée Anne de Bourgoingne; et la lui amena la ducesse sa mère, et le seigneur de Saint-George et aultres pluiseurs grans seigneurs de Bourgoingne. Et y furent faictes moult solempnelles nopces et moult riches et plentureuses.

Quant le régent ot achevé la solempnité de ses nopces, et qu'il fu retournez à Paris, il assembla ses gens d'armes hastivement, et s'en alla asségier la ville de Pont sur Saine, et le print d'assault et aultres trois ou quatre forteresses d'illec entour; et puis s'en alla à Oursi4 et la print aussi d'assault; et, là, fist mener à Paris xl hommes d'armes, en leurs pourpoins, testes nues, dont les aucuns avoient cordes noées entour leur colz, traynans jusques en terre, et les cordes noées