CHAPITRE CXL

Comment le duc de Clocestre et la ducesse descendirent à C allais, et tirèrent à Valenciennes où Hz ne peuvent entrer, et, de là, à Mons où elle feit ses remonstrances, et fut le duc de Clocestre receupour seigneur.

Le duc de Clocestre et la ducesse descendirent à Calais, à tout grant armée, et prindrent le chemin, pour aller en Haynnau ; et tant esploittèrent que ilz se trouvèrent auprès de Valenciennes, espérans entrer dedens. Mais ceulx de la ville ne les vouldrent laissier dedens ; pourquoy s'en party et tyra droit en la ville de Mons, où il fut receut moult honnourablement. Et là estoit la contesse douagière de Haynnau, mère de la

i. « nulz enffans — ordonna ». M. P.

ducesse de Glocestre. En ceste ville, furent mandez les trois estas, pers et hommes de la conté de Haynnau, où la plus part de ceulx du pays furent, et non pas tout. Et là, leur fîst remonstrer la ducesse comment elle avoit eu espousé le duc de Brabant contre sa voulenté; entendu qu'il avoit esté tenus sur fons par madame sa mère, et aussi, qu'il estoit son cousin germain. Et, comme bonne catholicque, pensant aux choses dessus dictes, toutes et quantefïbiz qu'elle alloit couchier avec luy, trambloit comme la fueille en l'abre, sachant le grant péchié qu'elle commectoit. Ces choses considérées, du consentement de la contesse, sa mère, s'en estoit allée en Engleterre, où elle s'estoit mariée à très hault et très puissant prince Honffroy, filz, frère et oncle du roy d'Angleterre, lequel elle avoit espousé en face de saincte Église, requérant à ceulx du pays de Haynnau qu'ilz le receussent à seigneur, et luy feissent serment de fidélité. Laquelle chose fut faicte.