CHAPITRE LIX

Comment aulcuns hommes d'armes et gens de compaignies faisoient pluiseurs maulx au royaulme; et comment la paix j qui avoit esté accordée et tr aidée devant Arras^ fut parachevée à Paris ^ et de rechief jurée.

Or, est vray que, après la destruction de Tonnoire, pluiseurs hommes d'armes et de traict, qui avoient esté à ladicte destruction, se tenoient ensemble par manière de compaignies, bien vjj°* chevaulx; et en plusieurs lieux faisoient moult de maux es pays du roy, tant en Auxerrois^ comme ailleurs. Pourquoy fut ordonné, par le roy et son conseil, messire Gasselin du Bois, le seigneur de Gaucourt et plusieurs aultres, pour les conbatre et subjuguier. Mais ilz sceurent la venue des gens du roy ; pour laquelle cause ilz se retrayerent en Bourgoingne. Touteffoiz, ilz furent poursievis des gens du roy, et en y ot de deux à trois cens que mors que prins et menez en Chastelet à Paris ; et, depuis, en y ot d'exécutez et mis à mort.

En après, Hector de Saveuses, qui avoit fait guerre, fut prins par les gens du roy, en faisant le pèlerinage de Nostre-Dame de Lieuce, et mené à Paris. Et de fait, se n'eust esté le pourchas de la dame de Haynnau, qui

i. M. P., L. et M. — Notre manuscrit dit, « aux terres. »

lors estoit à Senlis, comme sera dit ci-après, ledit Hector eust esté exécutez; et, aussi, que messire Phelippe de Saveuse, son frère, prist prisonniers messire Henry de Boissy, seigneur de Chaulle, et Eustace d'Aine, seigneur de Sarton ; lesquelz deux avoient de leurs prochains amis au conseil du roy, qui firent grant diligence de la délivrance dudit Hector, affin que leurs amis fussent délivrez.

Pour lesquelles besoingnes et pluiseurs aultres, non obstant que la paix eust esté faicte devant Arras, si y avoit-il peu de sceurté et d'amour ; car la partie d'Orléans se tenoit devers le roy et le duc de Guienne. Pourquoy ceulx de la partie de Bourgoingne n'avoient quelque ayde ne gouvernement devers le roy, mais estoient traictiés à rigeur de justice, très durement. Et en pareil cas, le duc de Bourgoingne traictoit rigoureusement ceulx de la partie d'Orléans, qui luy avoient esté contraires, la guerre durant. Néantmoins, tellement quellement, fut la paix partraictiée. ^

Durant icelluy temps, la dame de Haynnau, à grant compaignie et notable, estoit à Senlis, et avec elle les depputez des trois estas de Flandres moult notablement. En après, y alla le duc de Brabant et le conseil [du duc de Bourgoingne] \ Quant ilz furent à Senlis, le roy les fist aller à Paris, excepté la dame de Haynnau, qui avoit commandement de son mary de point passer Senlis. Auquel lieu elle fu honnourablement receue par les ducz de Guienne et de Berry, qui allèrent de Paris allencontre d'elle; et après, fut visitée des aultres princes du sang royal. Comme devant est dit, l'assem-