M.P., L. et M

biée se fist à Paris par l'ordonnance du roy ; et là furent les princes, ambassades et conseil, tous, excepté la dame de Haynnau qui y envoya son ambassade, pour cause de ce qu'elle avoit deffence de y point aller, comme devant est dit.

Or, est vray que, après ce que pluiseurs grans et notables consaulx des gens du roy et du duc de Guienne, avec le duc de Brabant et les aultres ambassadeurs, se furent tenus pour conclure la paix traîctée devant la ville d'Arras, s'accordèrent les princes et seigneurs et conseil, par si bonne façon que icelle paix fiit criée et publiée, à Paris, à son de trompe, le xxiiij® jour de febvrier. Et fut iceiluy traictié mis par escript; mais, pour ce que devanten [est] fait mencion, je m'en passe à tant. Ces choses faictes et jurées, ainsi que vous avez oy, le duc de Brabant et les ambassadeurs retournèrent au pays; et, bien brief après, furent ordonnez commissaires, lesquelz allèrent à Tournay, de par le roy, où ilz trouvèrent le conte de Garollois, aussi le duc de Brabant et la contesse de Haynnau, et aultres pluiseurs nobles, prélatz et gens de bonnes villes de Flandres et des marches d'envyron.

Et là fu, de rechief, la paix jurée par ceulx qui là estoient; et, avec ce, furent les depputez du roy, en pluiseurs des bonnes villes du duc* de Bourgoingne, là où ilz firent faire le serment de la paix. Puis, après, furent en la duchie de Bourgoingne, où pareillement firent jurer aux bonnes villes la paix qui quatre fois avoit esté faicte ; c'est assavoir, à Chartres, Vicestre,