CHAPITRE LX

Comment messire Guichart le Daulphin fut envoyé en ambassade^ de par le roy y vers le duc de Bourgoingne, qu'il trouva en la forest du chasteau d'Argilly^ près de Beaulne^ se déduisant à la chasse ^ où il jura d'entretenir la paix j comme avoient fait les ducz d'Orléans y de Bourbon et aultres.

Le duc de Guienne, qui lors estoit à Paris devers le roy son père et gouvernoit le royaulme de France, si fut conseillié que on envoieroit, de par le roy, devers le duc de Bourgoingne notables ambassadeurs, pour luy requérir que il voulsist jurer et affermer* les traictiez qui nouvellement avoient esté faiz, ordonnez et acomplis pour la vraye union et réconcilliacion des différens qui avoient esté paravant entre les ducz d'Orléans, ses frères, et aultres princes et seigneurs, leurs adhérens, allencontre du duc de Bourgoingne ; en quoy le duc de Guienne avoit esté beaucop travaillié, depuis qu'il estoit venus au gouvernement dudit royaulme de France : car il désiroit et vouloit sur toutes choses que les princes duroyaulme fussent tous en bonne union,