M.P. et L., • confermer

pour servir et secourir le roy quant besoingne seroit. Si furent envoyez, de par le roy, en ce voyage ung moult notable et vaillant chevallier, nommé messire Guichart Daulphin, seigneur de Saligny et grand maistre d'hostel de France, et, avecluy, ung conseiller du roy et ung secrétaire. Sy se partirent ces trois de Paris et se trayerent en Bourgoingne, où estoit pour lors le duc de Bourgoingne; et, sur chemin, eulrent nouvelles que il se tenoit en ung sien chastel, assez près de la ville de Beaulne, nonuné Argilly, pour ce que ledit chastel est assis près de grandes forestz, et en lieu de chasse et de déduit.

Or est vray que le duc de Bourgoingne, qui longtemps n'avoit demeuré ne séjourné en son pays de Bourgoingne, et qui vouloit bien avoir ses plaisir et soûlas, se advise que pour mieulx avoir son déduit, tant de la chasse des cherfz et les oyr bruire par nuyt, il se logeroit dedens la forest d'Ârgilly, qui est grande et lée. Sy fist tendre et ordonner ses tentes et pavillons ou millieu de ladicte forestz en grans plains qui là sont; et dedens icelles tentes s'alla logier, et aussi la ducesse, dame Marguerite de Bavière, sa femme, et deux de ses filles avec leurs dames et damoiselles. Et y avoit, dedens lesdicles tentes, la salle, la chappelle, chambres à parer et à couchier, et tout Testât du duc, de la ducesse, autant que fussent logiez en Tune de leurs bonnes villes. Et demeurèrent, là dedens icelle forestz ainsi logiez, plus de ung mois, en esbattemens et en déduis.

Et, en ce mesme temps, vindrent en la ville de Beaulne les ambassadeurs du roy, dont dessus est parlé. Si firent savoir leur venue au duc de Bour^

goingne, pour sçavoir le lieu où seroit son plaisir qu'ilz le trouvassent. Le duc, incontinent qu'il fut acertené de leur venue, envoya de ses chevaliers devers eulx, pour les convoyer et acompaignier, et leur encharga de les amener l'endemain sur l'eure de la messe. Lesdis chevaliers firent ce qui leur estoit commandé, et si chevauchèrent, avec les ambassadeurs, tant que vindrent es forestz ; et, de là, vindrent es tentes. Et là descendirent et trouvèrent grant foison de barrons de Bourgoingne, telz que le prince d'Orenges, les seigneurs de Saint-George, de Vergy, mareschal de Bourgoingne, de Neufcastel, de Pégny, d'Autry, et grant foison d'aultres, qui tous estoient venus voir le duc et son nouvel logis ; et vindrent recevoir lesdis ambassadeurs, et les menèrent devers le duc, qui estoit en son oratoire ; et, sur l'entrée de la messe, ilz luy firent la révérence et présentèrent leurs lettres, de par le roy, qui estoient de créance. Le duc les receut en grant révérence et les leut tout du long.

Après qu'il eult leu icelles lettres, leur demanda de Testât du roy, de la royne et de monseur de Guienne, et de la ducesse, qui estoit sa fille. Ledit messire Guichart le Daulphin en respondil bien et à point. Après, leur dist le duc que il les oroit voullentiers de tout ce qu'ilz vouldroient dire, et ordonna que on les menast en une belle tente que, au matin, il avoit ordonné estre tendue pour les logier. Et quant la messe fut chantée, le duc se retrait en une tente où estoit sa chambre préparée ; et là fut sa chayere et son conseil drèchié et paré bien et convenablement ; là furent son chancellier et gens de son conseil, et pluiseurs des barrons dessus nommez. Et furent illec amené lesdis ambassadeurs

qui proposèrent au long leur charge, qui estoit en effect que, par l'ordonnance du roy, monseur de Guienne, son filz aisné, avoitprinsla charge et gouvernement dudit royaulme ; en quoy il se vouloit aquicter et employer loy animent au bien du roy, son père, et de la chose publicque. Et, pour ce que il avoit veu et congneu estre dès piéchà grant discension entre son cousin d'Orléans et pluiseurs princes, d'une part, et luy, à qui il parloit, dont par avant s'en estoient enssuyvis infinis maulx et dommage ou royaulme , et pour faire cesser et appaiser, et pour remectre iceulx princes et seigneurs en bonne amour et vraye union, avoit esté advisé et^rdonné par le roy certains articles et traietiés d'accord, lesquelz il avoit veu, gréé et accordé de les jurer et promectre tenir et acomplir quant il luy apparoît que le duc d'Orléans et ses adhérens les auroient approvez, promis et jurez de tenir. Et, pour ce que, de leur part, estoit tout fait et acomply, comme ilz lui faisoient apparoir soufïisamment, le roy et le duc de Gifienne lui requéroient que, de sa part, il le vaulsist faire, ainsi que accordé l'a voit. A quoy, après beaucoup de remonstrances et doléances que icellui duc de Bourgoingne leur fist exposer et remonstrer par son chancellier, leur fut dit que il verroit voulentiers les articles et séremens faiz par lesdis princes et sur ce auroit advis, et l'endemain leur feroit responce après sa messe.

Et, l'endemain, après la messe chantée, le duc se party du pavillon qui faisoit son oratoire, et vint devant l'autel ; et là, par son chancellier, fist exposer et dire la parfaicte amour que il avoit tous] ours eu au roy, son souverain seigneur, et à monseur de Guienne, età toute

la maison du roy, et la grant obéissance que il avoit tousjours juré, et les grans debvoîrs qu'il avoit faiz pour tenir la paix ; et ancoires de présent, en obéissant au roy et à monseigneur de Guienne, il estoit content de jurer et promectre lesdis traictiez et articles, tout ainsi que les aultres princes les avoient jurez. Et de fait, en la présence de tous, les promist tenir et jura sur la vraye Croix, qui là estoit présente; et de ce il bailla ses lettres autenticques, en fourme deue.

Et, ce fait et acompli, s'en alla le duc en sa grant tempte où estoit prest son disner, et disna messire Guichart le Daulphin avec luy et à sa table, et les aultres deux à la table des chambellains. Et, après disner, pour les resjoyr et festoyer, leur fist venir par ses veneurs un grant cerf dedens ung estang près desdictes tentes, qui là fut prins à la très belle déduit; et y fut laducesse et toutes les^ damoiselles; et puis souppèrent tous ensemble en la forrest, en belles ramées de verdures. Et, l'endemain, prinrent congié lesdis ambassadeurs et retournèrent à Paris, et firent leur rapport au roy de ce que ilz avoient besoingmé avec le duc de Bourgoingne.