CHAPITRE LXVI

Comment le roy d'Angleterre entra dedens la ville de Harfleu. Du traictement qu'il feit aux gens de guerre^ aux manans de la ville et aux gens d'église; et de ungne embu^che que les François feirent sur leê AngloiSj durant le siège de ladicte ville.

Or est vray que, après les traictié faiz entre le roy d'Angleterre et ceulx de la ville de Harfleu, et que les portes furent ouvertes et ses commis entrez dedens, à

l'entrée qu'il fist à la porte, descend] de son cheval et se fist deschaussier, et en telle manière alla jusques à l'église Saint-Martin, paroschialle d'icelle ville, et fist son oraison, regraciant son Créateur de sa bonne fortune. Et après qu'il ot ce fait, il fist mectre prisonniers tous les nobles et gens de guerre, qui estoient là dedens ; et, depuis brief ensuyant, fist mectre leurs noms par escript, et puis leur fist faire sérement, sur leur foy, qu'ilz se renderoient prisonniers en la ville de Calais, en dedens la Saint-Martin ensuivant; et sur ce partirent. Et pareillement furent mis prisonniers grant partie de bourgois, et failly qu'ilz se rachetassent grant finances; et avec ce furent boutez dehors. Et aussi furent la plus grant partie des femmes avec leurs enfans ; et leur bailloit on, au partir, chascune v* et une partie de leurs vestemens. Sy estoit piteuse chose de oyr les regrectz piteux et lamentacions .que faisoient iceulx habitans, délaissans ainsi leur ville avec tous leurs biens. Avec ce furent licenciez tous les presbtres et gens d'église ; et, tant que à parler des biens quy là furent trouvez, il en y avoit sans nombre; lesquelz demourèrent au roy d'Angleterre.

Touteffoiz, deux tours qui estoient* sur la mer, moult fortes, se tindrent environ deux jours après la reddicion de la ville, et se rendirent comme les aultres. En après, le roy d'Angleterre envoya aucuns de ses prisonniers en Angleterre ; c'est assavoir, le seigneur d'Estouteville et de Gaucourt, sur la navire sur quoy il estoit venu , et les biens que il avoit trouvé dedans la ville et aussi grant nombre de gens mallades , entre les^elz estoient le duc de Clarence, le conte d'Arrondel et pluiseurs aultres nobles hommes. Et disoient les aucuns

que, le siège estant devant Harfleu, le roy d'Angleterre avoitbien perdu v^ chevaliers et escuiers, sans les aultres qui y morurent [tous d'icelle maladie] ^ de fleux de ventre.

Durant le siège devant Harfleu, pluiseurs graus seigneurs de France se assemblèrent, de v à vj^^chevaulx, lesquelzeulrent adviz deeulx trouver ensemble, le plus près que ilz pourroient bonnement du siège du roy d'Angleterre, et que ilzmecteroient grosses embusches au plus près que faire se pourroit. Après, envoyèrent coureurs sur le siège affin de faire saillir les Anglois. Ainsi fut fait, et furent trois embusches ordonnées. Icelles ordonnances faictes, furent ordonnez coureurs pour courre sur le siège. Des coureurs estoient pluiseurs nobles hommes; entre lesquelz estoient le seigneur de Lille Adam et messire Jacques de Brimeu, qui depuis furent frères de la Thoison d'or, et lesquelz deux furent prins à icelles courses.

Or est vray que, ainsi comme il avoit esté ordonné, les coureurs se trouvèrent devant le siège des Anglois et les firent cryer < à l'arme > ; ettantost Anglois à cheval, et chassèrent Franchois chaudement ; et, sans ordonnance de eulx retraire où il leur estoit ordonné, se prinrent les coureurs. Et , pour le jour, les Anglois estoient en adventure de perdre une grand perte , se la chose eust esté bien conduicte. Mais le barron d'Ivry se monstra trop tost ; pourquoy les Anglois laissèrent à chasser les François, et retournèrent en leur siège, à

1. M. P. etL. — Il en a déjà été parlé dans le chapitre précédent; ce qui explique l'emploi de l'adjectif icelle, qui se trouve assez éloigné.

peu de perte. Et à ieelle course furent prins le seigneur de Lille Adam, et messire Jacques de Brimeu ; et les prinrent les gens du seigneur de Robersart , natif de Haynnau, lequel estoit Englé et au service du roy d'Angleterre, luy iij® frères. Après ce que le roy d'Angleterre ot prins la ville de Harfleu, il fîst réparer les murs de la ville, et puis y mist en garnison le duc d'Excestre, à v*^ hommes d'armes et mil et v cens archiers; et fîst fournir la ville de vivres et de artillerie.