L. et B. — Notre ms. a t prospérité

30& CHRONIQUE DB JBÂ5 LE FÉTRE [1 41 7]

ces droix ou finances ne soient bailliés aux faulx traittres et empescheups de paix, ains soient conservées et gardées poor employer au bien du roy et de son royaulme, en temps et en lieu. Et, en ce, entend le duc avoir bien fait, car tout ce qui vient es mains des trayttres a tousjours mauvaisement et desloyallement esté emblé au roy et départy entre eulx, à l'avantage des ennemis de France, comme chascun scet ; et que son intencion est, luy venu devers le roy, procurer que telz aydes n'aient plus cours.

c Item, que le duc soit alliez aux Anglois : respond que, saulve la révérence du roy, tous ceulx qui dient qu'il est sermentez aux Anglois mentent faulsement ; et, quant au point de rompre son armée, respond qu'il n'en fera riens, et que, en ce faisant, il feroit mal, actendu qu'il est heure de assembler gens pour résister contre ses ennemis qui sont dedens le royaulme.

c Item, quant à ce que luy a esté remonstré que il regarde à son honneur et aux parolles que luy dist son père : respond que voirement son feu père, voyans les iniquitez, manières et règne de la court de France, luy commanda servir le roy ; aussi est son intencion d'entendre à la réparacion et bonne réformacion de ce royaulme ; et n'a pas ce fait soudainement, mais tousjours par très grande et meure delibéracion de conseil; et, partant, luy semble, s'il s'en déportoit, qu'il en seroit blâmez et reprochiez, et ceuhc qui de luy isseroient.

c Item, quant est du remonstrer toutes ces choses aux seigneurs de sa compaignie : respond que, par leur bon conseil et pour le bien du royaulme, il a fait et encores lait tout ce qu'il a fait ; et, partant, est bien

(4417] SEIGNEUR Wft SAJNT-REMY. 305

content que tous le sachent, affin qu^ib congnoissent mieulxles iniquitez de ceulx qui destourbent la paix et la bonne intencion du duc de Bourgm^^ne.

c Item, quant att point touchant que ses remons^ trances et deffenses soient faictes au duc de Bùar*^ goingne : respond que il scet bien que telles deffences ne viennent pas du roy, ne de sa youlenté, et que le roy l'ayme et désire à veoir ; mais les faulx trayttres font faire couvertement ces remonstrances et deffences. Aussi, actendu que les ennemis sont en Normendie, il n'est pas heure de rompre les armes, ains se doibvent tous bons et loyaulx subgetz mectre sus et eulx employer à la deffence du royaulme. Et, quant ores iiz n'y fussant pas descendus, se ne vouldroit pas le duc de Bourgoingne souffrir les faulx traictres qu'ilz demourassent en tel gouvernement.

€ Item, quant à ce que le duc de Bourgoingne vaulsist dire que ceulx qui gouvernent le roy lui aient fait des duretés, et cetera : respond que voirement les gouverneurs du roy, c'est assavoir, messire Henry de Marie, l'évesque de Paris, messire Taneguy du Ghastel, messire Burel de Dampmartin, maistre Ëstienne de Mauregart, maistre Phelippe de Corbie, et pluiseurs aultres, ont esté principaulx promoteurs et conduiseurs desdictes iniquitez, à la perturbacion de paix ; et ont fait pluiseurs grans exceps et criesmes cy après déclarez. Pour lesquelz enchâsser et boutter hors du gouvernement, le duc de Bourgoingne s'est mis en armes; et ne cessera, tant qu'il ait la vie ou corps, de poursuyr sa bonne intencion, et non pas pour favorisier les Anglois, ne pour destruire le royaulme.

« Item, quand aux grâces que le roy doit avoir fait I 20

au duc de Boui^oingne : respood que rapointement que fîst le duc Guillame de Bavière avec la royne et le conseil, du vivant du daulphin, eult voirement esté fait assez à son gré; mais, si tost que le daulphin fut mort, les traittres ostèrent dudit appoinctement ce qu'il n'estoit pas à leur gré. Dont ce ne fut pas de merveilles se le duc n'en tint compte , quant mesmement le duc Guillame estant au lit de la mort, quant il vit celle mutacion ainsi faicte en leur appoinctement, à la charge et honneur du duc de Bourgoingne, en fut si mal content que il dist, tout hault, que les trayttres qui estoient autour du roy estoient pire que nul ne pourroit dire ne penser. Et promist, adont, et jura au duc de Bourgoingne, se Dieu le vouloit aidier de celle malladie, qu'il le ayderoit, de son corps et de ses subgetz, à prendre pugnicion des trayttres, lesquelz il réputoit si mauvais et si obtinez en leur dampnable affection contre le duc de Bourgoingne; en disant qu'il leur avoit ouy dire que, se les Anglois venoient d'ung costé à Paris, et le duc de Bourgoingne y allast d'un anltre costé, que ainçois mecteroient-ilz les Anglois dedens Paris qu'ilz ne feroient le duc de Bourgoingne. Ces parolles icy dist le duc Guillame, ou lit de la mort, présent pluiseurs notables seigneurs.

€ Item, estoit vray que, puis ung petit de temps, iceulx gouverneurs du roy avoient fait ardoir publicquement, au Palais, à Paris, les lettres patentes du duc de Bourgoingne, par lesquelles il offroit paix à tous ceulx qui le voul oient avoir avec luy. Finablement, lesdictes responces estoient escriptes que le duc de Bourgoingne vouloit que chascun sceult que son intencion estoit de persévérer en son bon propos, et qu'il

[1417] SEIGNEUR DE s AINT-REMY. 307

ne le délaisseroit jusques à ce qu'il averœt eu conseil graiit avec le roy , et fait remonstrer au roy les iniquitez, tirannies, cruaultez et inhumaDitez cy dessus déclarées, la désolacion du royaulme et les manières qu'il couvenoit tenir pour la réparacion d'icelluy ; tellement et tant que le roy et tous les bons et léaulx subgetz de son royaulme en deveroient estre contens. Et, combien que le duc de Bourgoingné ait, par lettres patentes, offert paix à tous, comme dit est S et que ceulx d'entour le roy ne l'eussent pas à ce receu, ains aient contre lu y persévéré en leur rigeur, néantmoins il vouloit en ceste partie leissier rigeur et toute vengeance pour le bien du royaulme, qui tant a besoing de paix et de concorde, de confort et d'ayde ; et* se offre de tousjours estre prest et appareillié de vouloir paix à tous, selon la teneur de ses lettres. >

Ces responces du duc de Bourgoingné furent rapportées au roy et au conseil par le seigneur de Cauny, et par escript sur chascun point des remonstrances. Quant le seigneur de Cauny fut retourné à Paris, il fut accusé en plain conseil, avant qu'il feist son rapport, d'avoir baillié en pluiseurs lieux, à Amiens et à Paris, la coppie de ses instructions et des responces faictes par le duc de Bourgoingné, et lui en fut une coppie leue et monstrée contre l'original, et fut trouvé que c'estoit tout ung ; dont le seigneur de Câuny fut forment argués et reprochiés, actendu qu'il estmt du conseil du roy : mais, il s'en excusa sur son clercq. Néantmoins, il fut prins et mené en la bastille Saint-Anthoine, où il