CHAPITRE XCI

Comment le roy feit asseigier Senlis. Comment les Fr anchois en partirent. Du secours que le conte de Charrolois leur envoya^ en l'absence du duc de BourgoingnCj son père; et comment ambassades furent envoyés^ d'un costé et d'aultre^ pour Vunion du royaulme.

Environ le jour de la feste Nostre-Dame Chandeler, mil iiii^ et XVII, le roy se parly de Paris, pour aller mectre le siège devant Senlis que les Bourguignons tenoient. Et estoit dedens messire Mauroy de Saint- Légier, le bastart de Thyan, capitaine de la ville, Troullart de Maucreux et aultres. Le roy, durant le siège, se tenoit au chastel de Creel. La ville fut fort approchie et battue de canons et aultres engiens ; tellement qu'ilz eulrent conseil de prendre traictié. Sy fut la chose appoinctie que les Bourguignons renderoient au roy sa cité, ou cas qu'ilz ne seroient secourus en dedens le xix® jour d'avril ; et de ce baillèrent ostage.

Après icellui traictié, envoyèrent iceulx Bourguignons devers le conte de Charrolois en Flandres, pour cause que le duc de Bourgoingne, son père, estoit en Bour^ gongne. Quant le conte 'de Charrolois ouy les nouvelles, il se tira dedens la ville d'Arras, et là assembla tous les seigneurs du pays, pour savoir comment la ville de Senlis seroit secourue. Sy fut ad visé de faire mandement, ou nom du duc de Bourgongne, son père, et de luy , par tout le pays de Picardie ; et fut ainsi fait. Et se trouvèrent les Piccars, d'un seul pays, une très

I ai

belle compaignie; c'est assavoir, de viij à ix cens hommes d'armes, deux mille archiers et aultres compaignons de guerre. Le conte de Gharrolois, qui grant désir avoit de secourir la ville de Senlis et ceulx qui dedens estoient, se tirajusques à Gorbie, en personne, à intencion d'estre au jour que la ville se devoit rendre ou combattre. Mais à toute force luy fîit deffendu; mais à grant paine le peult-on retenir. De l'armée desPiccars furent chiefz, messire Jehan de Luxembourg et le seigneur de Fosseux, lors capitaines généraulx de Picardie ; en leur compaingnie pluiseurs chevaliers, escuiers et aultres du pays de Picardie ; et prindrent leur chemin droit à Ponthoise qui se tenoit pour le duc de Bourgongne.

Quant le connestable sceult que les Picars estoient à Ponthoise, pour combattre et secourir ceulx de Senlis, ilz envoyèrent quérir le roy qui estoit à Creel ; et, le jour que les Picars passèrent la rivière d'Oise, firent les Franchois le roy monter à cheval; et fit sommer ceulx de Senlis qu'ilz se rendyssent au roy, ou ilz feroient trenchier les testes à leurs ostagiers. Les Bourguignons et gens de guerre respondirent que on leur feroittort, et que le jour n'estoit point passé. Touteffoiz, ce non obstant, les ostagiers eulrent les testes coppées ; dont ilz y avoient deux gentilz honunes de Picardie, ung nommé Ouillame Mauchevallier, et l'autre, nommé Baudart de Wingles, deuxbourgois de Senlis et deux hommes d'église de la dicte ville. Quant ceulx de la dicte ville sceurent que leurs ostagiers avoient les testes trenchées \ ilz furent moiilt