M. p. et L., « coppées

desplaisans, et en despit de ce, firent trenchier les testes à xiyj des gens du conte d'Erminacq qu'ilz tenoient prisonniers. Après ces choses faictes, le roy se tyra aux champs [et de tous poins leva son siège. Quand il fut aux champs ^J , ordonna sa battaille moult honnourablement et notablement. Après, ilz envoyèrent leurs coureurs pour sçavoir et voir Testât des Picars; lesquelz coureurs trouvèrent Ector et Phe- Uppe de Saveuses ; et là y ot maintes lances rompues, gens mors et prins d'un costé et d'aultre. Touteflfoiz, le roy sceult que les Picars marchoient en belle ordonnance, en intencion de combattre ; pour laquelle cause, il envoya deux officiers d'armea devers eulx, pour eulx faire demander quelz gens ilz estoient, qui vouloient combattre le i^oy. Ausquelz fut respondu que c'estoit messire Jehan de Luxembourg et le seigneur de Fosseux, serviteurs du duc de Bourgoingne, pretz de faire service au roy, et aussi de faire secours à la bonne ville de Senlis, ou combattre le conte d'Erminacq, qui, n'a guaires, tenoit le siège devant la bonne ville de Senlis.

Ces choses faictes, le roy print son chemin droit à Paris, et le connestable et les gens de guerre veant la bataille des Picars que bien leur sembloit qu'ilz fussent deux foiz autant qu'ilz estoient, et aussi pour la personne du roy, se partirent en belle ordonnance et sans combattre, et acompaignèrent le roy et le remenèrent dedens Paris ; qui fut à la malaventure du conte d'Erminacq et de la plus grant partie de ceulx qui estoient en sa compaignie, car guaires ne demoura,